Video
Read full review
2019-12-04
1266 views
天氣凍冰冰 , 最好就係圍住個火爐食打邊爐啦！ 朋友介紹我去呢間樓下火鍋飯店，原因係不論食物，環境裝修都好食住條水，打正懷舊年代的造型，好有賣點。睇餐牌，食材方面也頗具心思，有別於一般火鍋店。一落到飯店, 有種穿越時空感覺，去到70 80年代，在大排檔食火鍋的環境。置身室內的大排檔，衛生有保證，又唔怕天氣冷等問題。有幾款基本醬料必備供食客選擇。打邊爐最重要既係湯底，我哋選了清而滋潤的芫茜皮蛋豆腐湯，湯呈奶白色, 清香味道甜美，飲落好順喉。首點左個小食：椒鹽粟米，自從係澳門食過呢個做法的粟米，一試愛上，令平平無奇的粟米施上魔法，椒鹽炒香，辣味惹香，無法抗拒呢！一定要試！牛胸尖：呢度有售牛比較刁鑽部位，今次試吓，果然唔同質感同味道，是牛胸前脂肪，看似油膩，但入口出奇地爽口。食法可淥15秒就最爽脆，又或者淥3分鐘讓牛油滲出，慢慢嗒出油香。好過癮！紫菜炸響鈴: 即製炸響鈴，既脆又無油味，好鐘意中間仲卷住紫菜，健康又增添美味。招牌餃（黑松露蟹肉餃）：皮夠薄，餡料夠多，滲出濃濃黑松露香味，加上啖啖蟹肉，雙重鮮味，充滿幸福感！ 我最喜愛之一。竹笙釀墨魚: 好特別，外層竹笙好爽脆，而包著手製墨魚丸
睇餐牌，食材方面也頗具心思，有別於一般火鍋店。
一落到飯店, 有種穿越時空感覺，去到70 80年代，在大排檔食火鍋的環境。置身室內的大排檔，衛生有保證，又唔怕天氣冷等問題。
有幾款基本醬料必備供食客選擇。
打邊爐最重要既係湯底，我哋選了清而滋潤的芫茜皮蛋豆腐湯，湯呈奶白色, 清香味道甜美，飲落好順喉。
首點左個小食：椒鹽粟米，自從係澳門食過呢個做法的粟米，一試愛上，令平平無奇的粟米施上魔法，椒鹽炒香，辣味惹香，無法抗拒呢！一定要試！
牛胸尖：呢度有售牛比較刁鑽部位，今次試吓，果然唔同質感同味道，是牛胸前脂肪，看似油膩，但入口出奇地爽口。食法可淥15秒就最爽脆，又或者淥3分鐘讓牛油滲出，慢慢嗒出油香。好過癮！
紫菜炸響鈴: 即製炸響鈴，既脆又無油味，好鐘意中間仲卷住紫菜，健康又增添美味。
招牌餃（黑松露蟹肉餃）：皮夠薄，餡料夠多，滲出濃濃黑松露香味，加上啖啖蟹肉，雙重鮮味，充滿幸福感！ 我最喜愛之一。
竹笙釀墨魚: 好特別，外層竹笙好爽脆，而包著手製墨魚丸，好彈牙，雙重口感，墨魚滑好鮮味豐富足料！
油麥菜： 新鮮脆綠油麥菜，淥一淥保持爽口，非常鮮甜。
花枝片：新鮮切片花枝片，夠爽口軟腍不韌，蘸點醬汁同吃更添滋味！
整體食物質素不錯，火鍋料款式特別，又夠地道特色，個人會推介一試！
Post
