禾庭手工火鍋 (Closed)

環境4分：樓面好高的火鍋店，唔嘈，位同位之間唔會太迫，可以畀四分。衛生4分：設備齊全，有大湯羹同筲箕。白色枱面最易見污點，但都唔見有，餐具同Ｄ豉油醬料都好乾淨，可以畀四分。服務5分：侍應生爽手唔囉唆，落單上菜都好快，加湯速度好迅速，態度好好畀滿分。味道5分：1)  霸王藏嬌鍋入面有隻黃油雞，大大塊花膠，竹笙，南瓜，桃膠，蟲草花，紅棗，娃娃菜等數量超級多嘅材料嚟煲。煲左一陣侍應生攞隻雞出嚟斬件，然後再放返落個煲度吸味，雞肉非常嫩滑，湯底非常濃郁，飲左幾碗再加湯，飲完都冇口渴證明真材實料。2)  手切頂級封門柳切得夠薄，放响煲入面好快就熟，油脂分佈好，Ｄ牛肉好軟淋，又夠肉味。3)   頑皮蘇哈仔個名好特別，用竹籤串起嚟打邊爐好方便，大大隻蝦出面釀住墨魚滑，食落口感非常豐富，感覺同時食兩種海鮮，非常彈牙新鮮。抵食4分：價錢合理，但係份量超級充足，所以為起都係抵食。