船長意法日餐廳 (Closed)

我哋都幾鍾意食任食邊爐，有日經過呢間餐廳見到有任食邊爐，仲可以任食哈根大師雪糕，仲要係一杯杯嗰啲，唔係一大桶雪糕比你用羹拿嗰 d，感覺揼本。於是，我地搵左日去試下。一坐低，店員就拎過爐端燒過嚟，一次過滿足哂顧客打邊爐同燒烤的慾望。惠顧會送海鮮拼盤，店員話海鮮可以放入火鍋或者燒嚟食都得。我無乜燒烤經驗，除左鮑魚，我地將其他海鮮放晒入火鍋。我覺得蠔、鮮魚片幾好味，個蠔係好有鮮味喎。等緊邊爐或者燒烤嘢熟嘅時候又可以食啲準備好的食物。欖菜四季豆、炒蜆都唔錯！仲有自助沙律bar。火鍋配料都多，大路嘅都有，魚皮、魚皮餃、響鈴等。丸嘅種類都唔少。肥牛質素以任食來講幾好，都 refill 左幾次。豚肉片都唔錯。除咗有出前一丁之外，仲有拉麵可煮，幾特別。我自製左肥牛什菜拉麵，配胡麻醬，yummy !又可以叫各式肉串、雞翼燒來食下。食到咁上下係時候食甜品啦！無限食哈根大師雪糕！雪櫃入邊都有幾種味可以揀，我食左三杯，咖啡味、cookie and cream 同 vanilla，正！唔喜歡哈根大師都唔緊要，有其他牌子的雪糕、雪條！美味的甜品為呢餐劃上完美句號。