火鍋撚 (日富里百好大廈) (Closed)

火鍋撚真係為左火鍋撚而設嘅火鍋店。選用嘅食材相當豪華，提供7款獨具特色嘅湯底，仲有西環分店獨家嘅湯底可以選擇。老香港風格嘅火鍋店設計，配上QR Code自助點餐，將復古同現代完美結合。逢星期一至四，部分湯底仲可以免費添加酸菜、鴨血、蜂巢豆腐，實在太抵食啦！今次我哋選擇咗台式古早沙嗲麻辣鍋，鍋底有大量厚身大塊嘅鴨血，同埋吸足湯汁嘅大塊蜂巢豆腐。沙嗲味道濃郁，同麻辣味完美配合，實在非常有特色。火鍋嘅配料當然唔少得肥牛啦！牛肉同肥牛款式同價錢都有好多選擇，大家可以根據自己喜好選擇。我哋就選擇咗相對平價嘅極品安格斯肥牛，味道鮮美，賣相又好，真係打卡必備呀！除咗肥牛之外，仲有好多種火鍋料可以選擇，例如脆鯇、白鱔片、雞件、鵝腸、響鈴、豆腐等等。每份都非常豐富，絕對對得起佢既價錢。值得一讚既一定要數佢既黃金蛋黃炸魚皮。爽脆又香口，面頭既蛋黃一d都唔油膩，可以就咁食又可以落湯兩種食法都非常好味，正！食完火鍋之後，仲有糖水送呢！可以選擇仙草芋圓或者腐竹雞蛋糖水沙冰兩款都非常好味！