火鍋煮場 (Closed)

特選美國穀飼牛雖然係呢度最平嘅牛肉，不過味道同質素比想像中好，起碼都仲見到油花而唔係大部份都係白色脂肪。新鮮農場雞子係細細粒嘅，比平時食開嗰D雞子起碼細一半，食落又唔錯，一定要用佢比你的大罩呢去淥，否則會唔知去晒邊好難搵返出黎。黑豚肉都OK，肉質唔錯。自家製三色餃有水餃、雲吞同韭菜餃，每樣有3粒，呢個真係好食，D餡料好新鮮，呢個就係自己包嘅好處。即炸紫菜響鈴又係好正，即叫即炸，可以當即食小食，又可以落湯淥。呢個炸蝦餅又係好好味，佢D蝦膠好新鮮同埋佢蝦嘅成份都應該幾高。羊肉片無羶味，刨得都夠薄，淥兩淥就食得。手打蝦丸拼墨魚丸，又係好鮮味，我鍾意墨魚丸多D，勁正。西班牙橡果黑毛豬柳片呢個最有驚喜，食橡果嘅豬果然係唔同D，而且D脂肪分佈都唔錯。南瓜片都OK。衣家呢間火鍋店做緊$100 100支德國啤，真係誇張，第一次打邊爐飲啤酒唔洗就住就住。