火鍋煮場 (Closed)

天氣涼涼地一定要打邊爐啦。湯底揀了番茄蟹湯，D蝦蟹同番茄湯底分開上，D海鮮都幾新鮮。牛肉就揀咗本地牛頸脊，牛肉味都幾重，同埋D牛都真係幾新鮮。另外就試咗碟牛白肉，淥一淥就要即刻食，如果唔係淥耐咗就會好韌。碟牛白肉好爽，都好新鮮。我覺得用炸魚片頭打邊爐好過魚蛋，D魚片頭吸晒D湯特別正。佢呢度嘅韭菜餃係自己包嘅，好重韭菜味好正。之後再加咗個炸紫菜響鈴，即叫即炸，所以好脆，佢可以就咁即食或者落湯打邊爐，兩種食法都唔錯。