大滾友火鍋

Open Now

Now Closed

大滾友我都食過不下五六次🙌🏻 食物、環境、服務俱佳，每次試下唔同湯底，真係每次都大滿足而歸😋今次試嘅湯底係招牌嘅花膠雞湯🥘 花膠非常厚身，份量仲好多！雞肉滑溜肥美，鮮味又夠嫩，湯底雞味好出！緊接住當然必食牛肉拼盤啦，一次試齊牛嘅不同部位！有牛舌、牛小排、牛肩脊、肥牛、黃喉、牛柳粒，肥瘦適中，肉質唔錯，油脂香味四溢✨伊比利亞橡果豬肉質夠細，香味濃郁👍🏻 手打鵝肝墨汁墨魚丸比較創新，內有乾坤。咬開食到鵝肝香味，外層彈牙，味道特別。打邊爐唔可以無響鈴！呢set拼盤就食到原味同鹹蛋黃香兩款，脆卜卜又掛湯，鹹蛋黃裹住響鈴，再索埋雞湯精華，精彩啊！雜菜拼盤有多款蔬菜、粟米、菇菌、木耳同蕃茄，新鮮爽脆，清一清肉食嘅飽滯。單點嘅百頁豆腐好嗦湯，芋頭又香，煮熟嘅芋蓉夠細軟。