千賀水產の鮮鍋道場 (Closed)

今次要介紹嘅係位於銅鑼灣智選假日酒店內嘅千賀水產の鮮鍋道場，有提供壽司刺身、火鍋、同熟食三種主要食法。◾️平日每位 $268 / 星期五六日每位 $298可以六小時任食任飲係其中一個賣點，一班朋友去到可以唔使擔心食飯吹水途中因為要交檯而被打斷。◽️先論火鍋湯底，我哋選擇咗冬瓜雞白鍋同昆布千貝清湯，個湯底係冇咩特別，真係撈到有雞係裡面但又唔算入味。◾️隨後上嘅刺身拼盤，因為一檯只會提供一碟，所以質素都唔錯，三文魚近腩位所以好肥美，刺身蝦都好新鮮，值得一提嘅係竟然有象拔蚌刺身，雖然唔多但係咬落爽脆可口、鮮味十足。◽️火鍋方面，牛肉算係不過不失，只有頭一輪嘅極上安格斯牛小排質素較好，其後嘅美國榖飼肥牛片脂肪分佈唔平均，係一般火鍋放題店水平以下。值得點嘅係鮮海蜆同鮮海蝦，上桌嘅時候蝦腳仲運動緊，睇得出海鮮都幾新鮮，值得再點。◾️熟食方面，種類都偏向普通同大眾化，冇咩特別驚喜，炒蜆雖然偏鹹但係值得再食。飲品方面有啤酒、個款紙包飲品、樽裝菊花密，種類都算多。◽️整體而言，火鍋放題方面肉唔算出色，都係靠海鮮同刺身搭救，除了放題時間偏長適合聚餐之外，都唔建議各食肉獸選擇去依間火鍋放題。◾️千賀水產の鮮鍋道場📍銅鑼灣