Video
Read full review
2018-08-17
223 views
相約多年不見既舊友見面，首選一定係打邊爐，烚下烚下既氣氛就不在話下，特意揀左間獨沽一味主打牛肉既火鍋，一定唔怕冇話題講。鴛鴦麻辣牛骨湯底 ($78)見多數人都叫牛骨湯底，雖然未算驚為天人，清清地烚菜都唔錯。 牛骨就唔多，反而湯底內既粟米同蘿蔔超甜，慳返唔洗叫咁多菜。 麻辣湯底偏香辣，辣度同熱浪差唔多，滾起後冇想像中咁多油，個人認為味道同所有食材都好夾。封門柳 ($68)全晚最愛既部位一定係封門柳，牛味超濃，嫩滑得黎夠彈牙又食到牛肉紋理，如果多人既話必定會encore。滑尾龍 ($48)煎pan加上滑蛋既外貌夠哂吸睛。 本來以為撈勻之後淥兩漆又冇哂蛋都幾無謂，原來滑尾龍熟左表面依然有滑嘟嘟既蛋漿外層，手切滑牛加蛋簡直滑上加滑，肉鮮味僅次於封門柳。金花趾 ($68)爽口透薄，夠新鮮但要配較濃味既湯底先令肉味較突出。匙柄 ($48)普通牛肉薄片，口感同肉味都稍遜，可以不試。紫菜卷 ($38)口感同平時既響鈴一樣，但濃烈既紫菜味好香口，吸埋麻辣湯底更加有小老闆既影子，好有驚喜！金菇 ($28)、羽衣甘藍 ($28)蔬菜整體都新鮮大份又夠乾淨，可惜羽衣甘藍有少少苦，食唔慣都係揀返大路野穩陣d。菊
鴛鴦麻辣牛骨湯底 ($78)見多數人都叫牛骨湯底，雖然未算驚為天人，清清地烚菜都唔錯。 牛骨就唔多，反而湯底內既粟米同蘿蔔超甜，慳返唔洗叫咁多菜。 麻辣湯底偏香辣，辣度同熱浪差唔多，滾起後冇想像中咁多油，個人認為味道同所有食材都好夾。
10 views
0 likes
0 comments
全晚最愛既部位一定係封門柳，牛味超濃，嫩滑得黎夠彈牙又食到牛肉紋理，如果多人既話必定會encore。
滑尾龍
$48
13 views
0 likes
0 comments
煎pan加上滑蛋既外貌夠哂吸睛。 本來以為撈勻之後淥兩漆又冇哂蛋都幾無謂，原來滑尾龍熟左表面依然有滑嘟嘟既蛋漿外層，手切滑牛加蛋簡直滑上加滑，肉鮮味僅次於封門柳。
金花趾
$68
4 views
0 likes
0 comments
爽口透薄，夠新鮮但要配較濃味既湯底先令肉味較突出。
匙柄
$48
9 views
0 likes
0 comments
普通牛肉薄片，口感同肉味都稍遜，可以不試。
紫菜卷
$38
9 views
0 likes
0 comments
口感同平時既響鈴一樣，但濃烈既紫菜味好香口，吸埋麻辣湯底更加有小老闆既影子，好有驚喜！
金菇
$28
7 views
0 likes
0 comments
羽衣甘藍
$28
7 views
0 likes
0 comments
蔬菜整體都新鮮大份又夠乾淨，可惜羽衣甘藍有少少苦，食唔慣都係揀返大路野穩陣d。
菊花桂圓露
$24
15 views
0 likes
0 comments
夠凍唔太甜，清熱潤喉，可惜冇真龍眼肉。
朋友上開深圳食過類似既餐廳，今晚見佢收貨就放心哂。 食材鮮度合格有餘，份量同收費都合理，不過兩人台只得一個身位，野食要放大半係車仔上面，即使叫左好多野都冇咩睇頭冇咁開心。 如果座位可以再闊落d，同埋加入更多牛肉以外既選項就完美喇。
Post
