金記冰室 (Closed)

天時暑熱，行街都行到人燥，近近地金記食個tea順便涼下。唔洗等位即入得，咁死熱緊係叫杯野飲下先啦，叫左杯黑牛唔好誤會，唔係紅牛d fd，老一輩應該一聽就知，其實係朱古力雪糕加可樂！就錦聽實會覺得好奇怪，但飲落係幾有新鮮感既，雪糕同碎冰一齊食成個人即刻爽晒，飲埋啖可樂直頭滿足，一次過滿足你兩個願望，夏天必點。懷舊沙律友人非常想叫黎試下，話想睇下幾懷舊。正常沙律啦，唔算好新奇，不過真係細個係屋企整沙律個d用料。炸肶食tea點可以唔食炸肶，今日一起身已經想食。佢個炸肶其實睇相你已經覺得同出邊唔同，唔會炸到塊皮好乾，但又保持到係香脆，雞肶肉滑過我隻肶d肉，外邊仲有醬汁味，食完想再食。最後補個公司三文治，兩個人差唔多啦上碟仲係熱辣辣，識食緊係趁熱食，外脆內軟，充滿層次，但四件兩個人分最後真係幾飽，不過係正既！