小竹簍冒菜

Open Now

Now Closed

又去食辣！ 紅磡實在太多港漂，又近大學，又近火車站，今次又係聽朋友既朋友既朋友推介話呢間冒菜好正宗，即黎食！一如其它地道小菜館，鋪面只有兩張長枱，每張坐5﹣6人左右（但唔好妄想可以6個人齊齊整整坐，因為keep住好多人黎！雖然好多都係買外賣）周日夜晚730，店內只有一位姐姐，應是“主廚”兼店主，忙得不可開交，因我地3人除左點正常既套餐外仲叫左好多小食；而姐姐一路係個開放式廚房度忙，見個個都係寫完紙仔攞俾佢落單，佢整完就放係櫃上叫人自行認領去攞，好實在既感覺！我order既8個淨餸，小辣，有腐皮（正，好淋）／墨丸（幾彈，但可以煮耐D）／肥牛（都好味，無筋，D肉卷埋一齊的中間可能好多辣！）／萵筍條（脆）／土豆片（最愛之一，唔係好淋果種，但都起‘沙’）／蟹柳（一般）／凍豆腐（食辣唔叫凍豆腐邊得黎辣？索晒D湯，好正，噴火）／平菇（貌似迷你海鮮菇既菇，好味）；小辣其實真係唔小惹，如果你係平時譚仔叫中辣既朋友，呢度既小辣可能就岩你啦。佢D辣好麻，好多唔同既辣撈埋既香味，而且用生花椒，令到個湯底更惹火～﹣ 拍青瓜：姐姐一係廚房度啪啪啪，就知佢整緊我地個拍青瓜！青瓜鮮甜，上面仲鋪左好多辣同孜然粉，好香