炑八韓烤 (Closed)

老公不嬲收工都好夜，等埋佢食飯嘅話，就一定要係去啲比較夜收工嘅鋪頭，每次諗唔到食乜，就一定係炑八！宵夜時段仲有折添！老公乜都想食，為免眼闊肚窄，我哋兩個人淨係嗌咗一份厚切五花腩，一份護心肉，一份炸雞同埋兩碗白飯五花腩點都會係首選，超級好食，護心肉比較容易燶，所以要係咁反先得，但係其實對我來講，個爐側邊嘅蛋，同埋芝士粟米先至係我嘅最愛，烤好咗嘅蛋，用嚟撈飯一流第一次食佢嘅炸雞，其實真係麻麻哋，所以我諗嚟呢度食韓燒先至係最穩陣，最緊要就係佢個蛋同埋芝士粟米可以無限添加呀嘛