中興美食

Open Now

Now Closed

太安樓名物頭5位一定有中興份，唔好睇少佢D炒麵炒河炒腸粉，夠鑊氣而且平靚正。炒腸粉係我至愛，餸就揀雜錦，入面有火腿絲、迷你獅子狗魚蛋、蟹柳絲、蝦卷絲等，落單時建議叫佢幫你炒燶D，同埋要走芽菜(呢個係個阿姐教我嘅，佢話芽菜會出水所以會另到D腸粉炒得唔夠乾身)，因為D膠粉比一般D粉麵厚身，所以炒燶D一黎會香D，二黎因為炒嘅時間長咗所以會更加入味。另一份我就揀咗炒油麵，餸都係叫雜錦因為費事煩，呢個唔洗走芽菜亦唔洗叫佢炒燶D都已經好好食。