糖水檔1987

Open Now

Now Closed

佢哋係一間30多年老店，由熟客接手重新演繹嘅糖水鋪，附近食完飯就過嚟試吓佢哋個糖水同宵夜如何。🫕XO醬炒蘿蔔糕佢哋嘅蘿蔔糕同XO醬都係自家製嘅，即叫即炒保證食落一定係熱辣辣，蘿蔔糕大小適中啱晒一口一塊咁食，外層有少少脆而糕身軟熟，口感唔錯，自家製嘅XO醬辣辣哋咁夠香夠惹味，底下仲有大量炒香咗嘅芽菜，個人覺得性價比同誠意都十足。🫕鴨腎菜乾豬骨粥第一啖已經食得出係熬製咗好耐，食材入晒味嘅老火粥，粥身夠鮮甜帶有菜乾嘅甘香，加入鴨腎增強口感亦都唔錯。🫕椰汁公主材料有椰汁西米露、芒果同挑膠，果肉偏甜唔會太酸，西米露同桃膠配搭亦都唔錯，最緊要夠足料。🫕椰汁芒果西米燉蛋白 $48底層係自家製鮮奶蛋香，配埋芒果椰汁西米露，佢哋嘅蛋白甜度啱啱好，整體食落係非常之滋潤解渴。