文華饕記 (Closed)

呢間餐廳所在嘅位置，之前都做過唔同類型嘅餐廳，但都因為價錢定位問題，又或者食物質素等等嘅原因，都係做得唔耐。但係呢一間餐廳，除了地方大，容易搵位之外，食物質素都維持得好好，價錢又很合理，好適合喺附近工作嘅打工仔午膳。佢每日有唔同嘅午餐選擇，但係每一次我都會俾佢嘅咖喱吸引到，因為真係好香。炒粉麵飯類亦係另一樣值得推介嘅嘢食，好有鑊氣之餘，仲好多餸，完全唔馬虎。呢碟鹹魚雞粒炒飯有好多鹹魚粒，比以前食開嘅茶餐廳濃味好多，雞粒仲好大舊添。