Video
Read full review
2018-06-13
270 views
全港首間炭火燒毀店，剩係聽呢句已經夠我即時衝去食返餐了。所以今日收工即刻約朋友過黎旺角燒飽佢。柞木炭家位於T.O.P嘅頂層，環境以韓國嘅韓屋為主題，營造韓國鄰舍嘅感覺。前菜係常見嘅泡菜／腌青瓜／蘿蔔及三款醬料。依度嘅泡菜係原棵白菜腌製，所以食時要自已剪開咁樣更方便。味道都比一般嘅濃因為白菜腌嘅時候無切開，所以水份無流失得咁多。食時更爽脆同甘甜。其中一個腌蓮藕好好食，入口甜甜的又爽脆與泡菜不遑多讓。因為炭火燒嘅關係，一坐低店員就將裝有柞木炭嘅火爐送上並開火點燃。睇住柞木炭慢慢燒熱，發出陣陣炭火味已經令人急不及待。揀左個牛舌三味：分別係橫切／直切及厚切。圓片及長片牛舌好快就燒熟，沾上少少岩鹽就已經好好食了。而厚切牛舌店家就細心地係表面鎅上網格，令牛舌容易啲熟。厚切牛舌好有咬口肉味都夠。同樣只需沾上少少岩鹽作調味已然足夠。都係嗰句：靚嘅牛肉唔需咁多花巧野。雪濃湯：湯飯材料有：蘿蔔絲／豆芽菜／菠菜／冬菇絲及青瓜絲等，上面再鋪上大大片韓牛薄切。食時只要慢慢將滾燙嘅牛骨高湯澆淋落去，令韓牛肉變得半熟就大功告成。牛骨湯飲落清爽，濃郁牛味又唔會過咸。將所有牛骨湯及配料攪拌均勻後味道更多變化。米飯用上珍
柞木炭家位於T.O.P嘅頂層，環境以韓國嘅韓屋為主題，營造韓國鄰舍嘅感覺。
前菜係常見嘅泡菜／腌青瓜／蘿蔔及三款醬料。依度嘅泡菜係原棵白菜腌製，所以食時要自已剪開咁樣更方便。味道都比一般嘅濃因為白菜腌嘅時候無切開，所以水份無流失得咁多。食時更爽脆同甘甜。
其中一個腌蓮藕好好食，入口甜甜的又爽脆與泡菜不遑多讓。
因為炭火燒嘅關係，一坐低店員就將裝有柞木炭嘅火爐送上並開火點燃。睇住柞木炭慢慢燒熱，發出陣陣炭火味已經令人急不及待。
牛舌三吃
$228
20 views
0 likes
0 comments
揀左個牛舌三味：分別係橫切／直切及厚切。圓片及長片牛舌好快就燒熟，沾上少少岩鹽就已經好好食了。
而厚切牛舌店家就細心地係表面鎅上網格，令牛舌容易啲熟。厚切牛舌好有咬口肉味都夠。同樣只需沾上少少岩鹽作調味已然足夠。都係嗰句：靚嘅牛肉唔需咁多花巧野。
柞木雪濃湯飯
$128
22 views
0 likes
0 comments
食時只要慢慢將滾燙嘅牛骨高湯澆淋落去，令韓牛肉變得半熟就大功告成。牛骨湯飲落清爽，濃郁牛味又唔會過咸
。將所有牛骨湯及配料攪拌均勻後味道更多變化。米飯用上珍珠米所以食落煙韌有咬口，配上高湯真係幾唔錯。
柞木厚切五花腩
$128
23 views
0 likes
0 comments
厚切濟洲黑毛豬梅肉
$158
21 views
0 likes
0 comments
立即將五花肉烤熟尤其係豬皮及豬油部分，想唔咁肥就燒耐啲逼走啲油分。
梅肉肉質軟腍，燒熟後帶點咬勁。做成生菜包就最好食了。
五花肉食落香口，因為油脂充足瘦肉部分係燒完都無乾身，因為我地特登燒耐一啲，所以豬皮位更香脆。
配上咸香辣醬，滋味無窮。
韓牛肋眼上蓋
$328
15 views
0 likes
0 comments
牛肋眼上蓋雪花均勻，入口軟腍。可能係韓牛關係牛油味較清淡，食時更有陣陣木炭香味，只需點少少岩鹽就足夠調味了。
靚嘅牛肉好似呢隻咁一定要食五成熟，咁先食到肉質嘅軟嫩感覺同肉嘅甘甜。今餐韓牛算係近期食過牛肉黎講數一數二正嘅牛肉了。
加上柞木炭正好係耐燒得黎，温度穩定所以唔識煮野食嘅朋友都可以容易地掌握火候嘅調節。而且燒左一晚都無需換加炭就知柞木炭嘅威力。
食燒烤其實幾啱飲返杯，但友人酒量尚淺就點左杯青檸梳打。入口微酸及冰凍，解熱同解辣都非常不錯。用黎抵消炭火熱力唔錯選擇。
依度算係旺角區中，旺中帶靜嘅地方。加上商場屬於新開幕無耐仲有好多地方有待發掘。如果週未黎到，真係啱同三五知己飲返杯，燒返晚再逛街。
Post
