木戶

Open Now

Now Closed

難得要見朋友仔，當然要搵間好啲嘅餐廳聚下啦，今日就去咗尖沙咀棉登徑嘅一間日式餐廳。每樣嘢食都好吸引，仲好有火候添，睇住師傅燒嘢食，都夠晒過癮。✨奶油芝士拌韓式醃鱈魚腸一嚟到睇落其實有少少似鵝腸，鱈魚腸師傅已經檔開晒，腸一面有少少脂肪，識落好香口，魚腸表面有啲爽口，奶油芝士好香，加埋少少檸檬汁上去，成個味道嘅層次感出晒嚟。✨咖喱烤大和雞雞鎚 佢嘅雞腿肉好大舊，上面有啲香草同埋咖喱汁，烤完之後成舊雞好入味，成個雞肉好嫩滑。✨鹽燒德島阿波尾雞翼 鹽燒雞翼普普通通，只係用少少鹽去吊味，食到雞嘅原汁原味。✨唐揚德島阿波尾雞胸 睇落個樣有少少似炸魷魚，原來佢係雞胸，配咗蕃茄醬，有少少似食緊麥樂雞嘅感覺。✨炭火燒黑椒德島阿波尾雞雞腎 雞腎係用炭火燒嘅，好爽口啊，每一舊都有炭香嘅味道，旁邊有一羹辣味醬，點完會更加惹味。✨德島竹竹輪魚餅本身個人都好鍾意食竹輪，啱啱燒完既竹輪卷熱辣辣脹卜卜配搭埋沙律醬食好滋味。✨蒜香辣椒蟹味噌烏冬成個烏冬都充滿着蟹膏嘅味道，每一條烏冬都掛滿晒醬汁，好幸福啊。✨炸宮前丸子甜品係小丸子，來都係熱辣辣啱啱炸好咗，免頭配左一啲甜甜地嘅醬汁，食落香脆可口，口感特別。