Video
Read full review
2017-06-19
819 views
抓緊煲仔飯既尾巴，捉緊煲仔飯既節奏！寶寶食過煲仔飯既地方唔多，但呢間絕對暫時係我食過咁多間最好味既一間！據說仲有半個月就休息收爐，快啲把握時間約埋朋友仔去煲一煲 🤓見收爐關係，當然有大食大，有幾多叫幾多！食大鑊飯之前食返兩味小菜先，叫左 #馬拉盞炒通菜 同 #黑椒蜜糖雞翼，馬拉盞都係呢隻味啦，係幾正幾濃味既！而雞翼就一定要叫，炸得脆脆，隻隻都比蜜糖包圍又不失黑椒味，真係食到停唔到口 😂Let's go hawks! 一口氣叫左 4 煲煲仔飯 😈 先由第 4 名開始講，#豬膶黃鱔飯，朋友子指定要食呢個，但我最唔中意食呢個 😂 皆因我對內臟真係唔中意，比面食左舊豬膶，不過真係接受唔到隻味，但專業食評指出舊豬膶係好食既，而鱔我都係唔食既，好唔中意以往食開個口感係 Hi 10 10 既 🙄 但呢個整得唔錯呀，好爽口，但係個味道我都係覺得一般！第 3 名就係 #豉汁帆立貝象拔蚌飯，識我既人都知我中意食帆立貝，煲飯總共有 2 隻帆立貝，的確唔錯，不過有啲太 dry，好小象拔蚌，基本上大多都係飯，但係都算係咁，出面大排檔咁既價錢都只係食到 2 隻帆立貝，係最後硬啃啲飯比較辛苦！而亞軍得主係 #野菌鵝
見收爐關係，當然有大食大，有幾多叫幾多！食大鑊飯之前食返兩味小菜先，叫左 #馬拉盞炒通菜 同 #黑椒蜜糖雞翼，馬拉盞都係呢隻味啦，係幾正幾濃味既！而雞翼就一定要叫，炸得脆脆，隻隻都比蜜糖包圍又不失黑椒味，真係食到停唔到口 😂
Let's go hawks! 一口氣叫左 4 煲煲仔飯 😈 先由第 4 名開始講，#豬膶黃鱔飯，朋友子指定要食呢個，但我最唔中意食呢個 😂 皆因我對內臟真係唔中意，比面食左舊豬膶，不過真係接受唔到隻味，但專業食評指出舊豬膶係好食既，而鱔我都係唔食既，好唔中意以往食開個口感係 Hi 10 10 既 🙄 但呢個整得唔錯呀，好爽口，但係個味道我都係覺得一般！
第 3 名就係 #豉汁帆立貝象拔蚌飯，識我既人都知我中意食帆立貝，煲飯總共有 2 隻帆立貝，的確唔錯，不過有啲太 dry，好小象拔蚌，基本上大多都係飯，但係都算係咁，出面大排檔咁既價錢都只係食到 2 隻帆立貝，係最後硬啃啲飯比較辛苦！
而亞軍得主係 #野菌鵝肝飯！今次亞軍同冠軍都冇咩猶豫過個排位，但係都係正既，呢個飯好多菇，勁濃菇味勁十足，鵝肝相對上就小好多，淨係食鵝肝係食到幾香既，但係撈埋飯一齊食就唔覺有鵝肝味，比菇味遮哂，但係個味道係幾正 😋
最後最好食既就係非 #荔茸肉碎飯 莫屬！芋蓉同薯蓉一樣係抗拒唔到 😂 超級好食！芋頭蓉既味真係好香好夠味，舊芋蓉撈埋肉碎飯真係一流，啲飯相對上係唔夠呀 🤤 不過重點都係啲飯！有最強炭香味！最強既飯焦！超級無敵好食 😍😍😍
——————————————————————
#馬拉盞炒通菜 $47
#黑椒蜜糖雞翼 $64
#豬膶黃鱔飯 $72
#野菌鵝肝飯 $72
#荔茸肉碎飯 $72
#豉汁帆立貝象拔蚌飯 $72
——————————————————————
紹華小廚
筲箕灣愛秩序灣街市熟食中心 CF3 店
Post
