大小姐冰室

Open Now

Now Closed

經過幾次一直都好想試下嘅大小姐冰室，裝修比較新穎乾淨嘅大排檔🤣今日放工行過見有位就一於試下😋晚市可以選擇套餐配飯同湯，或者散叫又得！我同朋友2個人叫左XO醬翠玉瓜炒豬頸肉、百花炸釀蟹鉗、避風塘安格斯牛肉炒河，飲品就叫左華田暴龍脆脆同西班牙特濃朱古力咖啡。值得一讚係上菜速度好快，唔洗餓親放左工好肚餓嘅我🥹推介飲華田暴龍脆脆，好濃嘅華田再加上滿滿嘅脆脆，係非常有滿足感嘅飲品。呢碟XO醬翠玉瓜炒豬頸肉都好惹味，送白飯真係可以食曬一碗，唔鍾意食菜嘅話都會愛上食菜。如果諗唔到食咩我都介紹食避風塘炒牛河，第一係非常大碟，大食嘅話一定好滿足，第二係好似無見過呢樣嘅配搭，麻麻辣辣嘅乾炒牛河，原來係會食唔停😂最後係炸蟹鉗，未見過冰室可以食到炸蟹鉗，質素同去飲嘅一樣，好過癮。果然係無令我失望嘅一餐飯。