元朗新記 (吳松街)

Open Now

Now Closed

由細到大都好鍾意食粥，今日黃昏時候一個人喺佐敦搵嘢食，諗起朋友介紹過新記，總店喺元朗不過喺佐敦開咗分店，即刻Google一下佢位置，發覺原來好近佐敦地鐵站，嗱嗱聲行過去。唔使等位，一個人入到去，心大心細諗緊到底叫貴妃雞粥好定係泥猛粥，考慮到衛生問題結果都係叫貴妃雞粥。貴妃雞粥成個瓦煲上，試一啖粥，相當綿，有米香味，又有雞味；雞就比較一般，因為佢俾咗個雞胸所以比較硬，但係都叫做好味。亦都叫咗份炸兩，腸粉裏邊嘅油炸鬼仲係脆的，呢個真係好正😋一個人的簡單晚餐，都食得幾滿足。