咕咾 (Closed)

尖咀行完街未覺餓，本身諗住掃街篤下魚蛋。不過咁岩見到哩間新開無耐既小店都有幾多小食，岩哂我。舖位唔算大，店內有八個座位，主要做外賣生意。我地揀左個虎咬酥炸咕咾豬包，跟餐只需加$15，會多杯飲品、一份小食同健康捧。份量一啲都唔少！個包唔係我地食開既漢堡包，係用中式蒸包製。估唔到個包可以咁鬆軟。哩到所有小食都係即叫即炸，所以豬扒外皮好熱好脆，同咕咾醬非常配合。不過哩個包最令我難以忘懷既一定係果塊菠蘿片，超甜勁多汁，令到整個包味道昇華👍🏼👍🏼。健康捧即係青瓜條同紅蘿蔔條。無咩特別，不過有蔬菜伴下碟都唔錯，健康啲👍🏼。小食款式都好多，款款都好吸引。好唔容易先揀到薯角、酒鬼豬肉丸同煙肉芝士條。哩到既炸物真係炸得好好。外皮炸到好脆但一啲都唔厚，好乾身唔會油淋淋。哩個芝士條裡面超多芝士，芝士質感好似綿花糖好軟又有彈性，同煙肉真係絕配，非常惹味。哩到除左汽水仲有涼茶飲，食完炸野覺得熱氣可以買杯飲下。😂😂真係涼茶，冇酒精架！哩到仲有啲減$5優惠卷同學生午市優惠。去到記得拎張傳單睇睇。野食未到可以玩下印仔，啲印仔好靚❤️。