咕咾 (Closed)

因為餐廳在公司附近，所以開張不久就來嘗試了，因為款式眾多，所以每次來都試不同款式，大多都沒有令我失望。特長魚柳刈包 $42最近新出了包類，所以就來試一試。這個魚柳包餐看似份量不多，但是原來吃起來也是夠飽的。魚柳炸得酥脆，不會太油膩。魚柳包醬酸酸的，很開胃。加上我一向愛吃薯角多於薯條，所以很合我口味。蜜汁雞扒飯 $48因為看見是限量的，所以大概也會被吸引來試一試。雞扒嫩滑，雞皮上覆蓋着甜甜的蜜糖汁，加上有蒜香味，不錯。其實之前也曾經嘗試過香茅雞翼飯和酥炸咕咾豬肉飯，也是不錯的。這間堂外賣店成為我近期的飯堂，也推介了同事來購買，如果有蓋印優惠，相信更能吸引一批熟客呢。

呢間嘢我成日經過，港式裝修，新開張第一次食過咕佬豬扒刈包時覺得還可以啦，不過真係價錢貴，成日攪埋啲學生優惠同早餐，之前學生平過一般人10蚊（平5蚊都可以理解），真係難以理解佢點解要多收阿叔呢啲打工仔10蚊咁多，所以之後一直都冇幫襯，似乎係最近先將各個餐嘅學生價同正價嘅差價改為8-10元，而呢次光顧出於附近地方冇小食可以買。咕佬豬扒刈包 $48店員態度都ok，不過似係掛住同朋友吹水多過做嘢。由於唔係午餐時間，冇任何優惠，$48得一個細包，塊豬扒正常尺寸，唔覺得大塊，炸得唔夠，有陣豬腥味，好薄，咕嚕醬汁正常，塊菠蘿可能係最好食，塊刈包好細塊下，就算你塊包細到膠布咁，對比起都唔代表你塊豬扒係大塊，而且好難拎上手食，味道差過新開張嗰時。以呢個價錢同食物質素，俾到盡都係中下，既然以咕佬豬扒包為招牌，就應該要好好改善...

呢日經過尖沙咀～見到呢間好特別既店鋪，原來係早前係面書見過人分享既新食店～所以就襯住呢個新鮮感同朋友試左個套餐～店鋪有設一d好似吧位既坐位，而店員都好熱心介紹～最後朋友揀左豬爽肉，我就想食香炸菇菇～本身我想試個涼茶啤～但朋友唔飲～所以又揀返汽水⋯留返下次去試～成個套餐價錢都唔算平，如果要當午餐應該就唔太飽喇～套餐配一款醬，我地要咸蛋黃醬，但一開始佢俾錯左我地，所以店員哥哥就俾返個咸蛋黃醬我地，我地可以試埋個菠蘿咕佬醬～我同朋都覺得咕佬醬比較普通～咸蛋黃醬就有d咸香～配埋豬爽肉食係邪惡既美食😂另外我比較欣賞佢個香炸菇菇，平時其地地方食都係切開一條條好多炸粉咁炸，但佢係成個無切，重要唔多炸粉～感覺好香口，又保留到菇菇既味道！總括黎講～呢個套餐係邪惡既不過都係好食既～無試錯～

專賣咕嚕肉專門店，不愛吃酸味食品的我，也被它特立獨行的風格吸引住了，進去一試。店裡的食物照拍得很出眾，近鏡頭突出了細節，讓人口水直流。真實的食物又如何呢？除了擺切頗吸引眼球之外，豬肉炸的酥脆。的確是吃膩了傳統快餐店的另一選擇。

上幾個星期五喺尖沙咀加班，特登睇下做嘢附近有無吸睛嘅舖頭，有發現！味道：✮✮✮✮✮好食！佢炸豬肉好食，豬扒包（虎咬豬）更好食！另外每款豬肉可以唔同嘅醬汁，我哋叫咗佢鎮店嘅咕嚕汁同一個幾特別嘅皮蛋紅薑醬。兩個醬都好食，個皮蛋醬出面食唔到。另外叫咗個夏枯草啤酒，太太話有啲似打咗氣嘅涼茶，佢麻麻，不過佢本身都麻麻涼茶，咁好正常。我就覺得幾 Okay 。環境：✮✮✮✮✮環境好正，好“港”，好“豬”。無論係菜牌定係裝修，每個角落都有舊香港嘅影子，好少見舖頭裝修可以咁貫徹主題，可以見到老闆好畀心機搞間舖。 不過佢似小食舖多啲，座位係高凳，而且唔多。 服務：✮✮✮✮✮佢嘅菜色出面少見，職員見我哋大鄉里唔識，都好畀心機解釋。喺等嘢食果陣仲久不久同啲客講兩句，好有心。  衛生：✮✮✮✮✮Open Kitchen 格局，見到入面都好乾淨。   抵食：✮✮✮✮✮抵！

咕嚕肉不嬲都係我嘅至愛❤️最近試左呢間比較特別嘅，有得揀吾同位置，包括梅頭肉，豬爽肉，豬腩肉等😊另外仲有得選擇唔同嘅醬料，有菠蘿咕嚕肉，番茄牛油果醬等等！今次就揀左菠蘿咕嚕肉，甜酸口感好醒胃，而且仲會見到粒粒菠蘿肉添🍍🍍 問咗店員邊款肉會好食啲，半肥瘦，佢地就話豬爽肉！等咗大概5分鐘倒就有，即叫即炸所以熱辣辣！而且炸得好酥脆，一啲都吾會好厚粉咁🤤外脆內juicy ,超贊😁💕💕💕💕💕

Being raised in UK, most of my so called Chinese foods that I've eaten come from Takeaways and Chinatown.It's a shame that Hong Kong being the home of Chinese food doesn't serve good Chinese food unless you fork out at expensive places or hunt for it at some smaller joints.Since coming to Hong Kong, I have rarely had sweet and sour pork because restaurants get away with coating rubbish fat and meat with flour and thinking they can get away with.Theoretically they do as for some strange reason pe

曾在一篇網上訪問嘅文章中，見到呢間小店嘅介紹，店主好有諗頭，將大家常在酒樓點嘅餸變成小食。店主曾參與黃傑龍的美食車招標，即時比黃傑龍揀中，雖然因某些原因最後無參與美食車，但最後憑自己努力，開左呢間小店，確實令人欣賞。一次經過佐敦尖沙咀附近，諗起呢間小店，就去拜訪一下。餐牌好簡單，就係咕咾肉 &飲品，可以淨叫咕咾肉，或叫套餐，有多一個小食&飲品。咕咾肉可以揀豬嘅唔同部位，隨各人嘅喜好，唔同部位價錢都唔同。我地2個人，叫左一個SET試下，揀左梅頭肉+招牌菠蘿咕咾醬 ，加錢變套餐，小食點了薯角，再另外加錢要了涼茶啤。套餐只包普通汽水飲品，如果要涼茶啤要再額外加錢的。咕咾肉係即叫即炸，熱辣辣，招牌菠蘿咕咾醬酸酸甜甜，中和左肉嘅油膩感，因為我個人比較中意酸，所以覺得個咕咾醬可以再酸一D。配菠蘿咕咾醬係一個比較傳統&穩陣嘅配答，下次不妨試下其他醬如牛油果醬&他他醬。飲品我地叫嘅係洛神花茶啤，又係偏酸嘅口味~~~加左氣嘅涼茶，好特別，淡淡嘅洛神花味，似飲汽水，但又唔會好似汽水咁多汽泡，幾特別，推介~~~~

琴晚同朋友喺尖沙咀一帶覓食慶祝生日，然後好隨心咁幫襯Goolo，俾佢嘅裝修吸引咗，好復古又得意。叫咗好多嘢食😂： 虎咬膳良豬（素肉）+ 虎咬原隻軟殼蟹啤酒炸豬肉丸5粒咕嚕拼盤（$98）有12件炸豬條，裡面包括 1）梅頭肉 2）豬腩肉 3）豬爽肉 & 4）神秘嘅每期限定豬 各4件。 同埋跟餐加$5 焦糖雞蛋布丁🍮嘢飲就分別叫咗 有氣嘅夏枯草同洛神花茶。整體食物都好好食，特別係個素包（睇吓啲相就知） 炸得好靚，咬落去外脆內軟又juicy，飽足感滿分，好味過前排素食界好hit嘅「未來堡」！ 店員好nice，會向我地推介食物，完全無hea答，多謝佢推薦嘅醬汁，流沙蛋黃醬同咕嚕汁都好食，牛油果醬就混合咗cream cheese同香草，如果唔鍾意parsley嘅朋友應該唔好嗌。

晏左收工諗住落尖沙咀要度快快食D野算點知想食那間已滿座 行前幾步見到呢間裝修幾特別又賣我最鐘意的炸物 決定一試 正係揀豬的部位都已經唔知點揀係店員介紹下要左豬腩肉 +招牌菠蘿咕咾醬 $38香炸菇菇 及健康棒 加 $15 升級套餐竹蔗茅根涼茶啤 加$12 酥炸豬腩肉賣相吸引 食落有肉汁唔油膩 而且肉質彈牙而且份量都唔算少 有5塊厚厚的肉招牌菠蘿咕咾醬酸酸甜甜 好夾 揀香炸菇菇真係無錯 唔會食到好濟仲有健康棒 🥕🥒可以清清味蕾同感覺無食到飽飽濟濟咁 竹蔗茅根涼茶啤其實都係有氣涼茶 成件事即刻無咁熱氣呢間小店高質呀 絕對有下次 仲想試埋其他部位的肉同醬汁

經過咗幾次都見佢仲裝修緊已經想試下, 話說自小都好鍾意食咕嚕肉, 去酒樓餐廳必叫既小菜, 咕嚕肉都變成小食梗係要試下啦。第一次食先試最原始酥炸咕咾肉(梅頭肉)配菠蘿咕咾醬, 加咗$15套餐, 要咗香炸菇菇同炸物必配既可樂。店面本身有幾個吧枱位置可以堂食的, 大約5點左右都已經滿座了, 等咗大約10分鐘就有食物喇。即時炸好熱辣辣仲好脆, 肉汁好Juicy, 果然專門店有一定水準👍👍👍 醬汁配菠蘿咕咾醬酸甜適中, 好想試下其他特別既醬汁, 可惜一個人食唔到咁多。香炸菇菇都好食, 可以點埋菠蘿咕咾醬一齊食, 但好咗一大舊, 如果分開細細條就好喇。

咕嚕肉變做街頭小食你聽過未😂大鄉里嘅我就第一次聽喇😯不過想法幾好，以後想過口癮個陣都有地方食喇🤟🏻梅頭肉 $38 豚爽肉 $38套餐+$15👉🏻配薯角/炸菇 及汽水研究左個餐牌一陣先點到餐🤣叫一款肉就可以跟一隻醬同青瓜蘿蔔🙈今次叫咗招牌嘅菠蘿咕嚕醬同埋金沙蛋黃醬，個咕嚕醬偏酸一啲🤘🏻點肉食開胃實無死👍🏻初頭揀金沙蛋黃醬係滿心期待佢好似鹹蛋黃醬咁🤭點知自己搞錯咗，食落就知佢係蛋黃醬，食沙律個隻蛋黃醬😂😂金沙味道就唔見咗咕嚕肉本身都好食，佢嘅豬肉味幾香☝🏻不過最有驚喜嘅係炸菇呀🥰外層炸粉唔會太厚，菇仲係濕潤嘅，加埋鹽酥粉，最好食係佢😈酒鬼豬肉丸（+$10轉）有酒味，但肉就較乾同燶涼茶．啤 跟餐+$12轉一開頭見到竹蔗茅根．啤🤩心諗涼茶加啤酒唔知好唔好飲，點知嚟到一飲🤯啤酒味呢？！望返個餐牌就瞬間變柒頭🤣大大隻字寫明無酒精飲品！原來係涼茶扮啤酒🍻係純竹蔗茅根嚟嘅，嗯🤔你都知咩味架喇好味😍指數（5粒最高）：😍😍😍

尖沙咀新開小食店「咕咾」，位置金巴利大廈地下，雖然要行入少少，但就好易搵易認，因為門口望入去就見到 霓虹燈的可愛豬豬，餐廳主打賣咕咾肉小食，配多款特製醬汁。旁邊還有傳統涼茶鋪見到的金色葫蘆，原來呢度仲有涼茶啤，飲落似啤酒，但其實只係涼茶，無酒精成份，食炸野最岩配啤酒，而家有啤酒口感，又有涼茶功效。有不同部位的豬肉炸成咕咾肉，醬汁是分開上的，有5款選擇，各有特式好吸引，另外仲有炸海鮮同刈包。套餐最抵食，配埋不同小食，還可以飲涼茶啤，店員仲溫馨提示有優惠。我點左豬腩肉配香炸菇菇，跟菠蘿咕咾醬，送健康棒，加洛神花茶啤。$60用上丹麥豬肉，口感同味道都更好，炸得香口唔油，豬肉好彈，肥肉位爽滑，一點也不膩，仲越食越滋味，沾菠蘿甜酸醬，更開胃好味，睇報導話個醬係老闆用父親住家秘方，再經多次研究而成，果然味道溫和得來甜酸味平衡，酸味剛剛好不會刺喉。香炸菇菇賣相似薯條，味道幾好，炸得唔乾，保留雞脾菇的啖啖肉感，沾金沙蛋黃醬好夾，個醬好香咸蛋味，仲帶點微甜，比酸甜醬更惹味。食到一半仲有健康棒，即蔬菜條，有青瓜同甘筍，好爽脆同清新一下味蕾。朋友點左虎咬酥炸咕咾豬配煙肉芝士卷，跟金莎蛋黃醬，加夏枯草啤。$8

早幾日同朋友去左一間幾特別既fusion小食店，細細間，座位得八個，入面既裝修都好有懷舊既感覺。門口大大個霓虹燈招牌寫住咕咾，聽落係咪好似咕嚕肉，冇錯！真係有關，英文都話埋俾你聽係sweet & sour pork。佢地既招牌就係酥炸咕咾肉，有梅頭肉、豬爽肉(即豬頸肉)同豬腩肉三款，想一次過試哂就可以揀拼盤。另外仲有好特別既涼茶啤🍺都係必試之選👍🏻1️⃣虎咬原隻軟殼蟹 $68 由於本人好鐘意牛油果同軟殻蟹🦀，所以一見到就話要點😂軟殻蟹好大隻，非常新鮮香脆，中間有番茄、酸瓜同牛油果醬，配埋口感軟熟既刈包，呢個配搭好新穎，真係夠哂fusion😄2️⃣虎咬膳良豬 $48 唔好以為佢真係豬肉，其實佢係素豬刈包，但無論口感同味道整到都同真既冇咩分別。佢地仲會自己將薯仔同紅蘿蔔剁到好碎好碎，食落會有口感啲，用心製作💕再加埋沙律醬，試過就知有驚喜！3️⃣豬腩肉 $38 + 升級至套餐 $15 + 涼茶啤 $12🐷最初諗住試梅頭肉，淋啲，但店員推介我地試豬腩肉，就一於聽佢講。醬汁有五款可以揀，我地都係揀返招牌既菠蘿咕咾醬，酸酸甜甜，再加埋兩條滋味健康棒，好開胃！但我覺得肉有少許韌。套餐仲有個小食，我揀左香炸菇菇，

尖咀行完街未覺餓，本身諗住掃街篤下魚蛋。不過咁岩見到哩間新開無耐既小店都有幾多小食，岩哂我。舖位唔算大，店內有八個座位，主要做外賣生意。我地揀左個虎咬酥炸咕咾豬包，跟餐只需加$15，會多杯飲品、一份小食同健康捧。份量一啲都唔少！個包唔係我地食開既漢堡包，係用中式蒸包製。估唔到個包可以咁鬆軟。哩到所有小食都係即叫即炸，所以豬扒外皮好熱好脆，同咕咾醬非常配合。不過哩個包最令我難以忘懷既一定係果塊菠蘿片，超甜勁多汁，令到整個包味道昇華👍🏼👍🏼。健康捧即係青瓜條同紅蘿蔔條。無咩特別，不過有蔬菜伴下碟都唔錯，健康啲👍🏼。小食款式都好多，款款都好吸引。好唔容易先揀到薯角、酒鬼豬肉丸同煙肉芝士條。哩到既炸物真係炸得好好。外皮炸到好脆但一啲都唔厚，好乾身唔會油淋淋。哩個芝士條裡面超多芝士，芝士質感好似綿花糖好軟又有彈性，同煙肉真係絕配，非常惹味。哩到除左汽水仲有涼茶飲，食完炸野覺得熱氣可以買杯飲下。😂😂真係涼茶，冇酒精架！哩到仲有啲減$5優惠卷同學生午市優惠。去到記得拎張傳單睇睇。野食未到可以玩下印仔，啲印仔好靚❤️。