東記上海麵

Open Now

Now Closed

今日路經大埔，就帶大大試吓久仰大名既東記，順便比自己懷舊一番。餐廳設計懷舊，牆身八角形加正方形瓷磚，貼有昔日香港懷舊照。重有綠色霓虹燈招牌，綠色摺疊閘門。店唔算好大，採用深啡木質枱同櫈，好似小時候一樣。佢用既餐具都係細個嗰陣既泥黃色膠碗、膠羹，更添風味。墨魚條、豬扒上海粗麵麵條唔算多，但夠滑。豬扒醃得好入味，炸粉薄，香脆可口，咬落去豬扒超級Juicy。墨魚條即制，外脆內層彈牙，兩個餸都正，食完好飽。雞翼、墨丸上海粗麵麵條唔算多，但夠滑。墨丸大粒彈牙，雞翼好食到一個點，炸粉薄，外層香脆可口，內層雞肉超滑嫩多汁，食完好滿足。竹筍（追加）竹筍份量唔少夠爽脆。奶茶香滑茶濃，好飲。