同撈同煲 (堅拿道西)

Open Now

Now Closed

聽朋友仔講呢間喺九龍城超級出名，主打港式火鍋，另有好多特色食物，例如懷舊炸物、港式點心、整體感覺都幾唔錯。店內環境幾大，座位闊落，坐得舒適，平日晚上都幾多客，證明有料。我哋要咗個雞煲，店員會落酒然後點火，好香，雞肉帶咬口，骨位更嫩。跟住食火鍋，竟然唔係落水而係湯！我就鍾意將炸物滾幾秒再食，老友鬼鬼、手工炸魚皮、即炸響鈴等，全部自家製，熱辣辣脆卜卜，最緊要唔油！另外有椒鹽豆腐、椒鹽雞軟骨、妃子笑同酸薑皮蛋，會話呢度嘅小食款色相當出色，可以考慮開間炸物小食店😂 食完仲有甜品，係啫喱杯同埋糖不甩，兩款都好懷舊，甜甜地好好味。