食口福茶餐廳 (Closed)

下午茶時段想食啲野過口癮，又唔想食得太飽，於是就叫左個炸魷魚鬚黎食。一上枱就好興奮，因為魷魚鬚炸到好似細個酒樓食果啲咁，上面既脆漿非常立體，唯一唔同既係酒樓果D通常都係凍既，因為酒樓係炸好一大碟，再用推車仔方式黎賣，咁樣推黎推去梗係好快凍啦。但呢到就唔同喇，即叫即炸，上枱時熱辣辣。食第一啖就覺得同細個既感覺好似，因為通常都係比較難咬，呢到都唔例外，不過唔緊要，呢D係童年回憶黎。唯一美中不足係油左啲，如果火喉控制得好啲就更完美了!