三多炸肶 (Closed)

三多炸脾終於開到旺角啦，唔使山長水遠入大埔，約齊朋友三個去食餐勁，超飽肚。店內三邊都是高身枱櫈，如食快餐/小食，透光度高，幾光猛，地方算乾淨。店鋪細細，都有幾多款食物，有腸粉、沙律、撈麵、小食、炸物、粉麵及飲品。當然唔少得炸肶套餐。飲品都幾特別，黑牛、金牛都估到係咩，但爆檸、柯檸你又知唔知，睇完介紹就點黎飲。點了炸脾餐$48，包一杯爆檸。柯檸$32。兩杯都有20安士，大大杯夠哂解渴。柯檸個名有點搞笑，原來是橙溝奶，放心飲啦，不但唔會肚柯，味道仲幾好飲。有橙味又有濃濃奶香，味道夾到，而且沙冰打得細滑無粒，仲有陣雲尼拿味，好特別丫。爆檸就是凍檸茶，但除了大杯左，仲多左其他野，睇睇杯底，有好多爆珠，原來檸茶加蜜糖味爆珠，一路飲一路咬粒爆珠，口中爆開都幾有口感幾刺激。三多炸肶套餐 $48，有三多炸雞脾加一杯爆檸，都幾抵食。雞脾超大隻，成隻手掌咁大。外皮香脆又夠薄，雞肉仲超多肉汁，果然不會乾，肉質仲鮮嫩有彈性，醃得好入味。沙爹豬頸肉撈公仔麵 $45好多沙嗲 醬汁，仲好香，夠醬撈勻所有公仔麵，個醬稠稀適中，令公仔麵掛到好多醬，味道濃郁又惹味。豬頸肉份量也算多，爽口不膩，好有嚼勁。泰醬炒雜菜 $32