景霖正宗四川麻辣米線 (白加士街)

Open Now

Now Closed

出開Jordan攞焗爐，於是拉埋阿媽一齊去食米線。初次光顧，印象不錯，因為雖然人多又逼，店員們都好有禮貌。我要了炸醬雲吞米線(小辣)；阿媽要了雲吞魚皮餃米線，再加多個香草雞翼，午餐每人送杯細豆漿。炸醬雲吞米線份量不少，食完飽到上心口。炸醬出色，用上了全瘦肉，甜甜地，份量又多，好惹味。雲吞只得兩粒，個皮好滑，個餡係菜肉，但好似仲有酸菜之類物體，因為食味是帶酸的 (不是變怪的那種！)！米線質地靚，較幼身，也煮得夠淋。湯底加埋炸醬好味，辣度適中，飲咗不少！香草雞翼有6隻，隻隻都好大隻。香草味濃，煎得好香口。豆漿也不錯，夠甜，但豆味欠奉。要彈就係冷氣唔夠凍，食到一身汗。