吃吧 (僑建大廈)

Open Now

Now Closed

嚟過呢一層幾次都無發現隔離有呢間餐廳，每次都係去隔離店玩貓，見網上有人介紹，決定係到幫人慶祝生日。整體而言，食物表現都唔錯。不過餐廳有少少暗，鍾意相機食先嘅朋友可能要打燈先會影得靚啲。-慢煮甜酒燴和牛面頰 $188作為人氣菜式，呢款和牛面頰果然毫不遜色。經慢煮後嘅和牛軟嫩鬆化，以甜酒為主調嘅醬汁混合綿密薯蓉，香甜迷醉。-藍芝士焗鴛鴦薯條 $68濃濃藍芝士細鋪滿薯條面層，芝士味好重。另外混合幼身薯條同蕃薯條，味道層次無咁單寡。蕃薯條甜中帶蜜香，薯條鹽味再重少少會更好。-蜜糖咖喱脆雞 $68估唔到咖喱粉炸雞同蜜糖可以咁夾，兩樣睇落唔關事嘅配搭，一鹹一甜竟然碰撞出新火花。脆雞炸得酥香，加上咖喱粉更惹味，令人食唔停口。-曲奇朱古力奶昔 $65睇落細細地一碗嘅奶昔，飲落份量都幾多。以碗盛載朱古力沙冰，半融化後變成類似奶昔口感，但整體冰感較重。朱古力味其實有啲假，有少少金幣朱古力味，但撈埋頂層忌廉、曲奇碎同爆谷，食落又覺得幾特別。