PURADAK CHICKEN (金巴利街)

Open Now

Now Closed

第一次食炸雞入口係凍嘅！叫咗半半炸雞，諗住試多種味。甜辣味只有甜味，味道有啲怪，似係果醬，太甜啦。上面的花生有油益味⋯另外，紫菜味都唔好食嘅，好明顯係一包零食倒落去。同埋二百幾蚊一碟，得咁少件雞，真係物非所值。我無即時向店員反映凍，因為食咗一啖已覺得件雞好鞋，再加熱可能會更乾。韓式紫菜包飯，無咩味，好普通。水都無杯張枱有啲油，坐得又迫。當日晚上只得3枱客，都幾冷清，某程度上反映食物質素。炸雞都可以整到咁難食，各位想試伏可以去食啦。