那個ㄋㄚˋ ㄍㄜ (將軍澳中心)

Open Now

Now Closed

下午茶時間，諗住同事話食完幾好食咪過嚟試吓囉，叫咗個炸雞飯，睇落靚仔咁，咬多兩啖有啲變質，跟住同店員反映，佢話啲雞冇事係咁個喎，係經過特別嘅醃製喎但係唔知點解會酸嘅，我都覺得好特別但係真係接受唔到，早幾日響第二度食嘢啲店員嘅答案都係咁樣，我發覺依啲係佢哋食物變咗俾人投訴嘅對白😭，跟住話換過俾我其實我都覺得冇問題，仲話送多個小食俾我㖭，大約等咗15至20分鐘我都見冇嘢食，我覺得佢似有啲玩弄我，所以我就走咗啦，咁我啲嘢食當然取消啦，我只係飲咗幾啖烏龍茶就走咗，其實講真你仲要啱啱事業當中，啲嘢有問題解決係好事，但係其實等於冇解決，搞到我要去第二度食嘢，不過一肚戲，下次都唔會再選擇，之前食附近啲台灣嘢都唔會有咁嘅情況出現，唔知有冇人食過啲雞係酸餿味係覺得正常呢？！