Video
Read full review
2021-06-27
191 views
去開果頭交資料 就順便去行吓睇吓附近有啲咩嘢食 見到呢一間餐廳望落細細間 有少量嘅位置俾你堂食 門口大大個招牌寫住招牌生炸雞髀 仲要寫住灣仔30年老舖 睇嚟真係大有來頭 原來佢哋之前喺灣仔開咗好多年舖而且去親食嘅都係嗌雞髀飯 再唔係嘅話就直接叫隻雞髀 所以我同朋友都嗌咗隻炸雞髀黎食🤤佢哋啲雞髀係即叫即炸 落咗單之後要等一陣 炸出嚟嘅雞髀金黃色 就咁望上去都好大隻 食落去完全唔覺得佢有上過炸粉 肉質鮮嫩且濃郁 真係啖啖肉 而且仲要炸得香脆得黎 一啲油膩嘅感覺都冇 好Juicy 真心冇得同其他連鎖集團嘅雞髀比較 呢隻雞髀勁高質 另外我哋仲加咗$5飲是日靚湯同埋羅宋湯 佢兩個湯都唔錯 而且好足料 飲得出係冇落過味精 係媽媽嘅味道除咗雞髀之外我見佢亦都有其他唔同嘅飯 我見佢個價錢都幾平 我決定下次經過要再去食佢隻雞髀 實在令人再三回味
去開果頭交資料 就順便去行吓睇吓附近有啲咩嘢食 見到呢一間餐廳望落細細間 有少量嘅位置俾你堂食 
門口大大個招牌寫住招牌生炸雞髀 仲要寫住灣仔30年老舖 睇嚟真係大有來頭 原來佢哋之前喺灣仔開咗好多年舖而且去親食嘅都係嗌雞髀飯 再唔係嘅話就直接叫隻雞髀 所以我同朋友都嗌咗隻炸雞髀黎食🤤
佢哋啲雞髀係即叫即炸 落咗單之後要等一陣 炸出嚟嘅雞髀金黃色 就咁望上去都好大隻 食落去完全唔覺得佢有上過炸粉 肉質鮮嫩且濃郁 真係啖啖肉 而且仲要炸得香脆得黎 一啲油膩嘅感覺都冇 好Juicy 真心冇得同其他連鎖集團嘅雞髀比較 呢隻雞髀勁高質 
另外我哋仲加咗$5飲是日靚湯同埋羅宋湯 佢兩個湯都唔錯 而且好足料 飲得出係冇落過味精 係媽媽嘅味道
除咗雞髀之外我見佢亦都有其他唔同嘅飯 我見佢個價錢都幾平 我決定下次經過要再去食佢隻雞髀 實在令人再三回味 
Post
