快樂 (Closed)

去開果頭交資料 就順便去行吓睇吓附近有啲咩嘢食 見到呢一間餐廳望落細細間 有少量嘅位置俾你堂食 門口大大個招牌寫住招牌生炸雞髀 仲要寫住灣仔30年老舖 睇嚟真係大有來頭 原來佢哋之前喺灣仔開咗好多年舖而且去親食嘅都係嗌雞髀飯 再唔係嘅話就直接叫隻雞髀 所以我同朋友都嗌咗隻炸雞髀黎食🤤佢哋啲雞髀係即叫即炸 落咗單之後要等一陣 炸出嚟嘅雞髀金黃色 就咁望上去都好大隻 食落去完全唔覺得佢有上過炸粉 肉質鮮嫩且濃郁 真係啖啖肉 而且仲要炸得香脆得黎 一啲油膩嘅感覺都冇 好Juicy 真心冇得同其他連鎖集團嘅雞髀比較 呢隻雞髀勁高質 另外我哋仲加咗$5飲是日靚湯同埋羅宋湯 佢兩個湯都唔錯 而且好足料 飲得出係冇落過味精 係媽媽嘅味道除咗雞髀之外我見佢亦都有其他唔同嘅飯 我見佢個價錢都幾平 我決定下次經過要再去食佢隻雞髀 實在令人再三回味

以前喺灣仔住，經常會去光顧位於謝斐道嗰間「快樂茶餐廳」，尤其喜愛店裡嘅炸髀飯，價錢經濟又實惠，絕對是灣仔上班族嘅不二之選。不過自從搬家後，已很久沒到訪，其後更聽說餐廳已結業。早前去海光街附近搵食，發現「快樂」原來已經重整旗鼓，喺海堤街開咗間新舖，所以即刻 bookmark 咗， 趁今日有空檔，專登過嚟幫襯。原來店鋪頗為狹小，以外賣為主，沒有堂食座位，不過門口亦有少量地方可供客人即場食用。生炸雞髀係「快樂」嘅招牌作，一場嚟到，當然唔可以錯過，一人一隻唔洗爭，另外仲點咗個吉列魚柳雞扒香腸飯。睇下兩隻雞髀炸得幾靚仔，色澤金黃，夠晒油潤，而且 Size 好巨形，接近手掌大，拿上手時仲見到外皮有小量油泡，重而燙手，既吸睛又邪惡。雞皮脆口又唔油膩，肉味好濃郁，肉多而極厚，咬下啖啖肉，肉汁亦很豐富。午餐跟一碗老火湯，是日靚湯為眉豆花生雞腳湯，睇下幾足料，雞腳煲得好腍，湯水味道亦很清甜，飲得出無落味精，而且一碗嘅份量都幾多，夠晒兩個人分享。飯有幾種汁料可供選擇：洋蔥汁、咖喱汁、黑椒汁、粟米汁和豉油汁。洋蔥汁味道香甜，且濃稠適中。吉列魚柳外皮十分酥脆，皮夠薄，唔會食到滿口粉漿，誠意可加！雞扒水準亦不俗，