Fryers (Closed)

今日同阿仔去完K11剪頭髮，佢話要食薯條(佢應該誤會咗係K11 Musea😅)，於是就search吓附近邊度有薯條食，就搵到呢一間位於K11後面白蘭軒道新開嘅Fryers。店舖裝修以藍色作主調，主要係做外賣生意，不過亦都會有預留空間俾食客坐吓或者立食。店舖剛剛新開，所以未有太多選擇，目的就係想專心做好佢哋嘅招牌菜，貴精不貴多。喺外面亦都可以清楚見到廚房嘅環境，非常乾淨企理，絕對食得安心。阿仔要求，當然要叫炸魚薯條，Regular size就有一件炸魚，炸魚同薯條都係新鮮炸起，薯條份量都唔少，我負責食炸魚，阿仔就負責食薯條。其實我本身對於呢類炸魚嘅興趣都係一般，因為出面好多都係用厚厚嘅粉漿包住薄薄嘅魚柳。但Fryers嘅炸魚真係令我覺得喜出望外，佢嘅炸粉真係好薄身，入面嘅魚柳肉質非常嫩滑，而且裏面一絲絲嘅魚柳仍能保持住肉汁，口感媲美又香又滑嘅蒸魚。除咗招牌菜炸魚薯條之外，呢度都有意粉供應，肉醬意粉嘅肉醬非常惹味，而且份量非常多，上面再灑上芝士碎同香草，食起嚟更加香口。阿仔仲話想食炸雞塊，呢個真心有驚喜，因為開頭以為只係麥樂雞之類嘅炸雞，原來佢係啖啖真雞肉，外脆內嫩，非常Juicy！最後我