Video
Read full review
2021-05-31
564 views
一直以來都未食過一幻，今日經過見唔多人排隊，就試一次 ... 但睇嚟近排仍然欠食運 ...其實喺門口已經聞到好香嘅蝦湯味，第一次食，叫返最基本嘅蝦湯拉麵。飲第一啖湯，蝦湯偏鹹，食到嘅蝦殼味道比聞起嚟嘅香味淡好多，心裏面已經一沉，唔通中伏？記得以前曾經喺別天神食過一次蝦湯拉麵，好似係期間限定，食第一啖真係好似味吉陽一咁嘩咗出嚟，果次就成為以後我食蝦湯拉麵嘅標準。而今次，唔可以話冇蝦味，但真係俾啲死鹹蓋過咗，給比下去 ...拉麵來講，麵身偏硬，仲帶有少少鹼水味。係我心目中，日本拉麵喺處理上，去鹼嘅能力遠比廣東生麵做得好，竟然喺日本拉麵店食到鹼水味真係唔掂。其實已經唔只係食落口先食到鹼水味，夾起啲麵已經輕輕聞到鹼水味 ... 所以，我最後放棄咗半碗麵，真係無謂嘥自己quota。叉燒方面，鞋口，我相信坊間有好多其他拉麵店做叉燒比呢度出色100倍！叉燒呢啲咁基本嘅嘢，都竟然做得咁差，似乎來貨嘅質素真係一個好大嘅疑問！溏心蛋方面，溏心流心嘅部份只佔蛋黃僅僅一半，火候處理未到家，絕對唔係好，只可以話合格。而醬油只係停留喺蛋白嘅表面，唔算太入味，所以食入
其實喺門口已經聞到好香嘅蝦湯味，第一次食，叫返最基本嘅蝦湯拉麵。飲第一啖湯，蝦湯偏鹹，食到嘅蝦殼味道比聞起嚟嘅香味淡好多，心裏面已經一沉，唔通中伏？記得以前曾經喺別天神食過一次蝦湯拉麵，好似係期間限定，食第一啖真係好似味吉陽一咁嘩咗出嚟，果次就成為以後我食蝦湯拉麵嘅標準。而今次，唔可以話冇蝦味，但真係俾啲死鹹蓋過咗，給比下去 ...
6 views
1 likes
0 comments
拉麵來講，麵身偏硬，仲帶有少少鹼水味。係我心目中，日本拉麵喺處理上，去鹼嘅能力遠比廣東生麵做得好，竟然喺日本拉麵店食到鹼水味真係唔掂。其實已經唔只係食落口先食到鹼水味，夾起啲麵已經輕輕聞到鹼水味 ... 所以，我最後放棄咗半碗麵，真係無謂嘥自己quota。
4 views
0 likes
0 comments
叉燒方面，鞋口，我相信坊間有好多其他拉麵店做叉燒比呢度出色100倍！叉燒呢啲咁基本嘅嘢，都竟然做得咁差，似乎來貨嘅質素真係一個好大嘅疑問！
4 views
0 likes
0 comments
溏心蛋方面，溏心流心嘅部份只佔蛋黃僅僅一半，火候處理未到家，絕對唔係好，只可以話合格。而醬油只係停留喺蛋白嘅表面，唔算太入味，所以食入口時，會覺得有有味嘅蛋白同冇味嘅蛋白撈埋一齊，感覺唔良好！為咗彌補呢個缺陷，浸落啲偏鹹嘅蝦湯裏面再食，反而令味道補救返一啲。
4 views
0 likes
0 comments
餃子同樣令人失望，皮唔算話特別太厚，但一定唔係薄皮，而且偏韌，所以煎完乾乾地，韌嘅口感就更強，但係餡料就好鬆散，裏面嘅肉餡唔紮實，咬一啖感覺好似就係個口裏面散晒！
最後嘅最後，配料唔係用日本蔥，改用中國蔥，令碗拉麵變得失色咗，但正正因為佢嘅湯頭鹽味太重，又好似襯返啲中國蔥，你話... ？唉～雖然價錢唔算講得上係貴，但真係物非所值。另外服務方面，都想加多一句，侍應姐姐擺碗麵落枱嘅時候，同好多雲吞麵鋪嘅阿叔一樣，噼啪，真係好豪邁！
Post
