太平館餐廳

Open Now

Now Closed

今日行開去油麻地， 就諗住順便食埋lunch。但食咩好呢？上網搜了一陣未有頭緒， 忽然下起雨來， 於是打開Google Map, 睇下附近有咩，突然見到太平館，不到3分鐘路程， 就立馬決定了。之前在銅鑼灣店吃了久違的鹹牛脷飯， 今次決定要吃招牌的瑞士雞翼配飯。瑞士雞翼製作需時， 下單時服務員有提醒過， 不過我不趕時間， 就先吃餐包及餐湯塾塾肚吧。羅宋湯微酸，但也是真材實料煲的配上一件甜餐包， 我今日是空著肚出來的， 個胃即刻冇投訴。佐敦這店地點較隱蔽，所以雖然客人絡繹不絕，但未至於要排隊。等了一陣，我的瑞士雞翼來了。一份有四隻雞翼連翼尖， 雞翼算是肥美的。瑞士汁味道帶甜但不算太濃重，用來澆飯剛剛好。最後飲埋杯凍檸茶，可以繼續行程了。