Video
Read full review
2018-04-04
687 views
提到食法國菜, 一定聯想到 : 價錢貴/份量少/食得耐又拘謹, 本來我都咁諗架, 但經過今晚呢餐, 我諗要改觀啦!呢間法式餐館近金鐘, 港鐵站一出行幾分鐘就搵到, 見門口裝潢似係走法式小館路線打開門見到入座率已達七成, 柔和燈光配上木製餐枱, 牆上掛著帶有法式原素畫, 幾有外國情懷!肚餓啦............叫嘢食先, 咪睇佢店子細細, 餐牌上提供由頭盤, 沙律, 意大利麵, 主菜, 法式蕎麥餅, 甜品及飲品都照顧到!飲品呢度除左有酒精類, 梳打類, 沙冰類, 冰茶及花草茶供應外, 仲有天然鮮榨菓汁, 分別叫左2本同樣係綠色色系嘅果汁, 都係以蘋果, 青瓜為主調, 分別係一杯有西芹, 而另一杯係菠蘿! 有西芹呢杯飲落更加清新; 而有菠蘿嘅就多一份甜味, 真材實料, 飲左當食左生果!頭盤先黎個生薑檸檬吞拿魚 ($138), 伴以菜苗, 車厘茄及青檸! 擺盤成一幅畫咁靚, 法國菜嘅精美度由此可見!每片吞拿魚嘅厚度岩岩好, 太薄會無口感, 太厚會好快膩, 邊位以黑椒粒調味, 食到少少辛辣味; 魚肉保持嫩口無渣, 配埋個特色醬汁, 又帶少少甜味, 整體感覺幾唔錯, 唯獨薑味唔太食到!沙律
呢間法式餐館近金鐘, 港鐵站一出行幾分鐘就搵到, 見門口裝潢似係走法式小館路線
打開門見到入座率已達七成, 柔和燈光配上木製餐枱, 牆上掛著帶有法式原素畫, 幾有外國情懷!
肚餓啦............叫嘢食先, 咪睇佢店子細細, 餐牌上提供由頭盤, 沙律, 意大利麵, 主菜, 法式蕎麥餅, 甜品及飲品都照顧到!
飲品呢度除左有酒精類, 梳打類, 沙冰類, 冰茶及花草茶供應外, 仲有天然鮮榨菓汁, 分別叫左2本同樣係綠色色系嘅果汁, 都係以蘋果, 青瓜為主調, 分別係一杯有西芹, 而另一杯係菠蘿! 有西芹呢杯飲落更加清新; 而有菠蘿嘅就多一份甜味, 真材實料, 飲左當食左生果!
天然鮮榨菓汁
16 views
0 likes
0 comments
頭盤先黎個生薑檸檬吞拿魚 ($138), 伴以菜苗, 車厘茄及青檸! 擺盤成一幅畫咁靚, 法國菜嘅精美度由此可見!
生薑檸檬吞拿魚
19 views
0 likes
0 comments
每片吞拿魚嘅厚度岩岩好, 太薄會無口感, 太厚會好快膩, 邊位以黑椒粒調味, 食到少少辛辣味; 魚肉保持嫩口無渣, 配埋個特色醬汁, 又帶少少甜味, 整體感覺幾唔錯, 唯獨薑味唔太食到!
沙律之選有呢客健康到爆嘅藜麥菠菜苗沙律 ($108), 加配煙三文魚 (另加$25)
藜麥菠菜苗沙律
23 views
0 likes
0 comments
顏色吸睛, 擺盤靚仔, 材料都幾豐富, 有含高蛋白質藜麥, 幾有口感; 捲成玫瑰花狀咸香嫩滑煙三文魚; 唔會羶味嘅綿滑羊奶芝士; 甜美紅莓乾粒; 大量爽脆多汁嘅新鮮沙律菜! 仲有2片烤過嘅麵包, 咁嘅份量, 絶對可以當一個午餐!
法國黑青口配薯條 ($175), 每晚限量供應, 當然一早留一份先啦!
法國黑青口配薯條
22 views
0 likes
0 comments
以白酒忌廉汁煮嘅法國黑青口填滿左整個熱鍋, 面頭灑上芫茜更添香味; 青口雖然唔係大隻種類, 但味道鮮甜, 幾重青口味, 本身嘅自然海產味配以白酒忌廉汁, 互相發揮味道但又好夾喎! 難怪差唔多係每枱必叫! 正呀!
當然唔能夠遺忘另一亮點 - 炸薯條! 無論點香蒜蛋黃醬或白酒忌廉汁都同樣好味, 唯個炸薯條可以走鹽以原味上就仲好!
12 views
0 likes
0 comments
另一主菜係呢碟美國西冷牛扒意大利扁麵 ($158), 一客份量足夠2人分享, 侍應一放底, 牛扒嘅肉香已經撲鼻!
美國西冷牛扒意大利扁麵
17 views
0 likes
0 comments
已切成塊狀嘅西冷牛扒, 肉質幾香帶少少嚼口, 肉汁仍然KEEP到
而個意大利扁麵好有口感, 軟硬度適中, 每條意大利扁麵被蕃茄醬汁所包圍, 味道帶點酸甜, 中和肉類與澱粉質嘅結合, 好快又被我地幹掉! 哈..哈.............
侍應招呼周到, 每食完一味菜都會細心換碟, 呢餐輕鬆法國菜, 食得開心又滿足!! 佢嘅甜品, 下次一定要會一會佢.............................
Post
