天下太平 (Closed)

為健康,身邊越來越多朋友食素; 此外, 素食也可減少溫室氣體的排放。呢排成日睇《救亡16度》，地球暖化的問題日趨嚴重，今日我和友人也為地球盡一點力, 不吃肉一天.天下太平地點很方便, 灣仔當舖轉彎,就係大王東街, 行前少少就到.由於明天是復活節,是日甜品暫停，所以我們選擇了$88+10% 的套餐:螺旋藻菠菜薑湯:我很喜歡它濃厚的薑味和菠菜味,十分足料, 有口感;不停打噴嚏 的友人唔鍾意薑味, 我告訴佢薑可以醫感冒, 佢 乖乖哋飲哂。主菜:我的咖哩蕃茄雜菜珍珠飯很好食, 眨吓眼就食完. 友人的磨菇白菜螺絲粉味道清新,好有嚼勁. 所有食材都是有機的, 感覺好新鮮, 好natural。　cappuccino :好香濃的咖啡, 上面有個”天”字，祝大家天天健康。義工職員話，呢度主要做午市, 晚市只有星期五和六, 紅日休息, 唔諗住賺錢,能夠收支平衡,導人向善是最重要的. 其實呢度有熟客 ( 坐近門口的我留意到大部分人都訂了枱 , walk in 很少) 又幾好食, 價錢相宜，實在有條件做埋晩市, 唔使浪費咗舖租喎. 如果唔夠義工,請d再培訓的人幫手, 仲可以増加就業機會,公德無量.