一浩 (Closed)

我開始喺附近工作關係，住屯門嘅朋友約我嚟呢間新開嘅日式餐廳試吓。Set lunch 百鬆 d 蚊一個餐，好多野食，好抵食！有湯、沙律、飯、一兜醃菜仔、一兜魚粒、蒸蛋！餐飲或甜品。既然有茶飲，我就緊係叫甜品啦，甜品都有三款揀！有雪皅雪糕同蕨餅，唔知咩嚟，一於叫個蕨餅試試，好好味！份量好足夠，今日好肚餓，夠晒飽肚，新開張有八折，好抵食！餐具好精美，食都食得好開心。最緊要係啲位舒服好坐，唔似其他餐廳逼逼夾夾。沙律係芝麻汁，好香好新鮮，好清新。呢兜醃菜仔，酸黃瓜同菜粒仔原來同豬扒飯好夾！唔記得咩魚粒仔，好似沙甸魚味道，好好味。麵鼓湯，好味，夠熱，唔似一般街賣嘅味精麵豉湯，因為我對味精敏感，一食就知。怕蔥嘅我都接受到，份量控制得好好。勁好味黑毛炸豬扒飯，為左個飯我會成日嚟！！蒸蛋有成隻蝦喺入面！嘩落足料喎，好滑滑滑～ 呢個係綠茶味蕨餅，好好味啊，紅豆同綠茶好夾，為左呢個甜品，我都會成日嚟食！好味唔黐牙，煙煙 un un 咁，好似糯米滋，最正係唔黐牙！