Video
Read full review
2009-03-28
9 views
食韓國料理一般都要二三百蚊,想食得經濟又多款式,韓燒係不二之選! 但好似漢陽苑嘅熟食行貨,燒物全部一種口味嘅韓燒就無下次喇! 之前見漢和食評咁多個喊面,心驚驚...不過最近食家嘅阿妹同咀习嘅好友都大力推薦漢和,價錢仲平過漢陽苑,於是去試吓~~ 韓式抄粉絲: 爽滑唔油膩 煎三文魚頭: 香口肉嫩 熱辣辣豆腐花: 豆味濃, 滑過好多糖水舖 (加黃糖好味過糖醬), 必食! 雪糕: 朱古力味濃有朱古力碎 韓式煎蔥餅: 自己喺爐煎多陣會更加香脆可口, 必食! 咖哩雞扒: 係連骨雞脾肉, 點燒都咁滑咁多汁, 正! 火腿扒: 煎到金黃色後會由平平無奇變得出奇美味 龍利魚柳: 秘訣係放喺爐最外圍嘅位置慢慢煎到由半透明微微變白色至好反轉, 咁就唔會煎燶喇!其他推介 - 辣味墨魚仔, 魷魚鬚, 牛脷, XO醬炒瀨尿蝦, 豉椒炒蜆, 人蔘雞湯, 豬腳薑, 西瓜, 剛出爐炸饅頭樹大有枯枝, 當中有部份食物不吃也罷 - 布甸, 泡菜, 酸梅湯, 前菜嘅波菜我一試上癮, 兩個星期食咗兩次, 晚市次次入座率都有8~9成, 唔明點解咁多人彈到一文不值? 我見好多人會貪方便一次過攞好多冷盤返埋位, 但又食得慢, 攪到出
韓式抄粉絲: 爽滑唔油膩
煎三文魚頭: 香口肉嫩
熱辣辣豆腐花: 豆味濃, 滑過好多糖水舖 (加黃糖好味過糖醬), 必食!
雪糕: 朱古力味濃有朱古力碎
韓式煎蔥餅: 自己喺爐煎多陣會更加香脆可口, 必食!
咖哩雞扒: 係連骨雞脾肉, 點燒都咁滑咁多汁, 正!
火腿扒: 煎到金黃色後會由平平無奇變得出奇美味
龍利魚柳: 秘訣係放喺爐最外圍嘅位置慢慢煎到由半透明微微變白色至好反轉, 咁就唔會煎燶喇!
其他推介 - 辣味墨魚仔, 魷魚鬚, 牛脷, XO醬炒瀨尿蝦, 豉椒炒蜆, 人蔘雞湯, 豬腳薑, 西瓜, 剛出爐炸饅頭
樹大有枯枝, 當中有部份食物不吃也罷 - 布甸, 泡菜, 酸梅湯, 前菜嘅波菜
我一試上癮, 兩個星期食咗兩次, 晚市次次入座率都有8~9成, 唔明點解咁多人彈到一文不值? 我見好多人會貪方便一次過攞好多冷盤返埋位, 但又食得慢, 攪到出哂水, 有損味道又食壞肚 >_< 而燒嘢食方面最忌心急用大火燒, 又燶又唔熟, 我雖然心急又為食, 但通常會一邊食住熱食,飲啖湯, 一邊用中至慢火燒吓燒吓, 好快就將食材燒到外面金黃, 裡面嫩滑多汁! 嘻嘻~~
亦有可能有部份人越級挑戰將任食韓燒同韓國料理燒烤相題並論, 要知道一分錢一分貨...日本壽司+三文魚刺身唔好期望會喺韓燒有出色表現, 始終無主場之利...總括嚟講, 以一百幾十蚊消費, 想豪擦又想多樣化有韓式前菜燒物+港式小菜糖水+西式沙津雪糕, 漢和絕對係心水之選!
Post
