火夫

Open Now

Now Closed

聽人講咗好耐呢間出名嘅拉麵，終於有機會來到一試，去之前有預先訂坐，所以唔使等好耐就可以入座。Lunch set $138 黎講都算幾多嘢食，有三款一品料理：雞肝多士，枝豆春卷，味噌麥粒青瓜，一碗麵食再加兩款串燒和飲品，由頭食到落尾都幾飽。個人覺得枝豆春卷有驚喜，脆脆地又唔會太油膩，其他小食就係正常味道。至於重點項目 招牌虎蝦濃湯拉麵就要加$50 ，拉麵一上到我即試一啖湯底，的確有被驚艷到，滿滿的龍蝦湯味在口中，再咬一啖虎蝦，虎蝦的外層沾滿櫻花蝦，可惜肉質有啲紮實，唔太食到有蝦味。每條拉麵都沾滿龍蝦湯，我大約食咗2/3就已經好飽食唔落。另外仲試左半熟牛肩胛撈麵，呢個就有啲失望。牛肩胛煮等太熟，撈左生蒜的拉麵味道又好似怪怪地咁。串燒方面，試左白燒活鱔、芝心茄子、鹽燒手羽、蟹肉牡蠣🦪，其中蟹肉牡蠣係最好食👍🏻炸粉唔算好厚。總括嚟講我覺得食物都係正常味道，龍蝦湯底幾特別幾難忘，而且lunch set 有咁多野食同咁多選擇，值得一試。