洪記餃子雲吞糖水

Open Now

Now Closed

哥哥唔知咩係粢飯，順口話下次買比佢試，點知尋晚咁蹺YouTube睇到大埔有間好似幾正，剛剛送完老婆返工，就慢慢行去探店。鋪仔細細專做外賣，除粢飯豆漿外，仲有煎餃同糖水，哥哥四點放學，所以只打算買一個粢飯比佢同細佬做下午茶。十二點幾唔太多人排隊，網上話食物係即叫即做，可能因為午餐時間，我見粢飯已經預先包好，所以就左手比錢，右手收貨。小朋友放學回家，輕輕叮翻熱，拆開保鮮紙，再切開一齊分享，兩兄弟都覺得好食，細佬讃油炸鬼好食，哥哥就鍾意肉鬆甜甜哋，我就覺得足料嘅，不過一頭一尾飯太多，影響咗成個感覺。齋講粢飯就十分普通喇，有機會會試埋糖水同煎餃，睇吓網紅又冇吹水先。是日消費：粢飯$25