木戶

Open Now

Now Closed

尖沙咀有好多高質抵食日式午餐（唔平，抵食過夜晚咁解），棉登徑係臥虎藏龍之地。個名好長嘅招牌炸雞扒:兩大特色，一係炸雞扒有別於傳統日式炸雞一舊舊，亦保存到肉汁，二係佢用蛋黃醬調較嘅醬汁好出色，睇落樣樣都好邪惡，但食落竟然唔覺好油膩。炭烤鰻魚:真係炭爐攞上餐盤喺面前烤，香噴噴，鰻魚好肥美，附上嘅鮮磨Wasabi先係靈魂，簡直畫龍點睛，唔辣唔攻鼻之餘，將肥鰻魚嘅油膩感掃走曬。食到一半有個靚姐過嚟提醒要反轉烤否則會癡住鰻魚皮燶曬，但已經太遲，一夾起見到鑊撈咁。碳爐擺盤前係一種好獨特嘅體驗，如果鍾意索一氧化碳嘅朋友應該特別滿足。