Video
Read full review
2022-10-17
778 views
鍾意食西餐嘅你, 相信大家都唔會對UCC Coffee Shop有幾陌生㗎喇唔知大家懷唔懷念大家喺細個食過嘅UCC 自助沙律吧呢？唔知大家仲記唔記得將自己碗沙律砌到成座山咁高呢？當然仲有佢嘅藍山咖啡, 炭燒咖啡同埋佢嘅招牌凍熱咖啡啦🥰🤤🤤隨著時代巨輪轉動自助沙律吧已經逐漸被廚房出嘅雜菜沙律配芝麻醬取代全線所有分店轉用QR Code order餐牌亦已經無咗藍山咖啡歲月真係不饒人...🥲前導差唔多, 係時候要講返食評啦雜菜沙律配芝麻醬呢個就普普通通啦菜都算新鮮嘅, 但又未至於話去到最靚嗰隻不過作為開胃菜都合格是日餐湯呢個就真係普通少少啦味道似係日式忌廉湯加煙肉再加洋蔥可惜呢隻真係唔係我prefer嗰隻味道反而之前嗰隻忌廉蕃茄湯仲好晚市套餐-香煎盲鰽魚柳意大利繪飯配番茄忌廉蝦汁先講下個飯先 啲飯係粒粒分明嘅, 軟硬適中不過個汁就唔係我想像中咁濃我覺得可以濃番少少條魚就唔算話好嫩滑啦但依然都係可接受嘅程度, 同埋皮唔算話好乾飯配洋蔥及蘑菇調味, 味道其實唔錯不過個汁始終真係無想像中咁濃, 小偏食嗰陣都落過少少芝士粉...😅最後到餐飲- UCC招牌凍咖啡相信呢一個會係唔少人鍾愛UCC嘅元素大家
唔知大家懷唔懷念大家喺細個食過嘅UCC 自助沙律吧呢？
唔知大家仲記唔記得將自己碗沙律砌到成座山咁高呢？
當然仲有佢嘅藍山咖啡, 炭燒咖啡同埋佢嘅招牌凍熱咖啡啦🥰🤤🤤
隨著時代巨輪轉動
自助沙律吧已經逐漸被廚房出嘅雜菜沙律配芝麻醬取代
全線所有分店轉用QR Code order
餐牌亦已經無咗藍山咖啡
歲月真係不饒人...🥲
前導差唔多, 係時候要講返食評啦
雜菜沙律配芝麻醬
呢個就普普通通啦
菜都算新鮮嘅, 但又未至於話去到最靚嗰隻
不過作為開胃菜都合格
是日餐湯
呢個就真係普通少少啦
味道似係日式忌廉湯加煙肉再加洋蔥
可惜呢隻真係唔係我prefer嗰隻味道
反而之前嗰隻忌廉蕃茄湯仲好
晚市套餐-香煎盲鰽魚柳意大利繪飯配番茄忌廉蝦汁
先講下個飯先
啲飯係粒粒分明嘅, 軟硬適中
不過個汁就唔係我想像中咁濃
我覺得可以濃番少少
條魚就唔算話好嫩滑啦
但依然都係可接受嘅程度, 同埋皮唔算話好乾
飯配洋蔥及蘑菇調味, 味道其實唔錯
不過個汁始終真係無想像中咁濃, 小偏食嗰陣都落過少少芝士粉...😅
最後到餐飲- UCC招牌凍咖啡
相信呢一個會係唔少人鍾愛UCC嘅元素
大家去食UCC其實都係為咗飲佢嘅咖啡
味道的確比唔上10幾年前, 但咖啡依然有炭燒過, 香濃同香氣撲鼻
依然仲係做到中上級別嘅味道
飲完之後成晚又係唔使瞓😂🤣
總括而言
UCC 不愧對佢嘅名號-UCC Coffee Shop
咖啡依然水準十足
每次特登去其實都係為咗飲佢嘅咖啡而唔係特登食佢嘅嘢
佢提供到嘅食物出面嘅西餐廳都提供到
甚至比佢性價比更高及味道更上一層樓
但如果對食物要求唔係特別高的話, 又想試下佢嘅招牌咖啡的話
有時間可以一試無妨嘅👍🏻😋
Post
