Second Bite Bar & Grill (Closed)

食咗好一段時間，終於有時間寫返篇食評推介俾大家。Lunch set餐平靚正，一般價錢$100以下已經享有頭盤加飲品，份量仲要好大碟。而且選擇又多，真係食足幾星期都唔洗重覆。黑松露帆立貝燉飯 （$88）黑松露味道好香濃，意大利飯煮得恰到適中，有口感。 再加埋煎香咗嘅帆立貝點綴。完美。跟餐餐湯。好飲👍🏻。追加小食- 咸蛋黃金薯條 （＋$28）薯條真係炸到金黃色，咸蛋黃味濃，香口又熱氣，同朋友仔share就最岩。招牌肉餅飯（$68）一間咁西式餐廳，竟然有肉餅飯，仲要係招牌！當然要試。半生熟煎蛋係我最愛，蛋邊燶燶地，夠香口。肉餅夠軟熟，難怪咁多好評。