沖繩二段料理 (蕪湖居)

Open Now

Now Closed

今日十幾個同事一大班出動食晏，而其中一個同事話為咗食個甜品冬甩要去食沖繩二段料理。見佢主打烏冬，我又唔係太好烏冬，所以以往行過佢其他分店都無食過。點咗櫻花蝦烏冬加宮城辣雞 ($79) 套餐，再加沖繩海鹽焦糖雪糕冬甩 ($18)，配冰茶係送嘅 。先試下個湯底，味道同質地都好濃，辣度對我黎講係剛好 (即係唔會辣到要不停飲水)，將櫻花蝦撬攪拌埋個湯食，熱力散發櫻花蝦獨有香味，說實話個烏冬係普通貨，所以個湯底絕對令佢加咗唔少分。宮城辣雞，比我想像中薄粉，但可能加咗他他醬，所以皮唔太脆，基本上全枱叫嘅炸雞都係以蛋黃醬做底味，再加其他味道，例如柚子、辣醬等等。個他他醬呈淡黃色，有好濃嘅蛋黃味，可能係響現成他他醬上加入蛋黃，幾有特色。(有個同事係咁食醬。)最後上埋令某同事趨之若鶩嘅雪糕冬甩。沖繩冬甩上加上雲呢拿雪糕，再響碟底加海鹽焦糖漿，冬甩帶嚼勁，質地似麻糬，味道唔錯，但未係驚為天人咁好食。反而個烏冬湯底頗出色。另外亦試咗一口同事點嘅豚肉蒸飯，味道略帶甜味，整體亦不錯。