老三火鍋雞煲海鮮放題

Open Now

Now Closed

打邊爐大家食唔少，雞煲都唔係特別新意。不過今次呢間老三火鍋，都可以值得介紹俾大家去食。全包連加一都唔使三舊水，冇時間限制，呢個就係最好嘅賣點。嗰日上到去，人頭湧湧，差唔多全場坐滿，我哋一大班人，老細俾咗間房我哋，講嘢大聲啲都唔怕。先嚟個雞煲，唔會太驚喜，食完就叫夥記加湯打邊爐。每枱送一個海鮮拼盤，有鮑魚、元貝、蟶子、生蠔、蝦同蜆，都新鮮，不過呢盤係一次過，唔係任叫。其他嘅食物例如肥牛、豚肉、各式肉丸都係任叫任食。免費飲品，種類繁多，飲到你唔飲。嗰晚6點幾坐到差唔多10點，飲飽食醉，開開心心咁捧住個肚離開。