Khon Kaen

Open Now

Now Closed

係旺角住左十幾年，由日式放題，鐵板燒到雞煲，潮州打冷。從中國野到外國野。可以話食勻世界，可以話係旺角食之達人。但係等別鍾情泰國野，因為好中意泰國醬汁味道，酸酸辣辣好開胃。旺角泰國野唔多，女人街旁有2-3間。但係唔係太喊就係太甜。完全唔似泰國野。無d泰國風味。但係今次呢間就唔同啦，呢間係上海街既泰國串燒鋪，門面唔算靚，不過一睇就知係泰國餐廳。入面都算光猛，裝修還可以。環境不過不失。而特別之處就係出面有爐做串燒，即叫即燒，可能條街無咩食，搞到得佢d燒烤味成街都係，我都係比味道帶來先知有間泰國燒烤店。講返野食啦。我就梗係必叫燒雞亦啦，加份肉串。其實見到有烤魚同其他既，不過條魚太大條驚食唔晒，先叫少少試試先。點知來到有2款汁伴上。一隻係好似沙爹 汁，另一隻就係我所講既燒烤汁之王。估唔到燒野食配上泰國辣汁會咁好食。d辣汁令到隻一般既雞亦變得唔一般，佢果種辣係一入口好辣轉頭就無果d,有d似washabi感覺，不過唔同味。搞到愈辣愈想食。愈食愈過癮。下次會試埋條魚先。推介:燒雞亦加泰國辣汁必食。