J’s Bistro (Closed)

一間餐廳最重要係食物出品，如果食物質素唔掂，其他方面補救亦是徒然。之前喺長沙灣返工，經常會幫襯長沙灣廣場入面嘅J’s Cafe，佢嘅意粉出咗名彈牙，材料新鮮，每碟食品都好用心去製作。依家佢喺荔枝角D1 place two開咗一間J’s bistro, 一定要試試。Lunch time 同朋友去咗試佢午餐，主菜我揀咗蒜香意粉。頭盤有羅宋湯配迷你牛角酥+沙律🥗，牛角酥質素超高，新鮮夠熱夠爽脆，沙律菜好新鮮，一間用心製作嘅餐廳，即使係頭盤，從食物中你就感覺到佢嘅用心製作。主菜炒蒜香意粉，簡單一碟意粉，炒得非常彈牙夠乾身，每一啖都係享受，朋友則點了烤雞，佢話烤雞好香，雞肉夠滑。最後餐飲我飲熱咖啡☕️，咖啡香醇濃郁，咖啡豆同咖啡幾都好得。