漁品酸菜魚火鍋放題 (Closed)

上次喺依度就食過火鍋放題，性價比都非常之高。今次嚟到是另一樣嘢就係烤魚套餐。一如既往店舖都好細心咁畀一盤水我哋去清洗杯碟餐具。烤魚套餐包咗一碟小食黃金炸魚皮。鹹蛋黃味好香好濃，魚皮卜卜脆，非常惹味。呢度烤魚嘅特別之處就係用咗上盛嘅原條沙巴龍躉。眾所周知龍躉係非常昂貴嘅食材，用嚟烤魚真係超級少見。我哋叫咗蕃茄味，蕃茄湯底甜甜地亦好濃沃。因為用咗龍躉嘅關係，真係啖啖肉冇乜骨食得放心。其實蕃茄湯底仲包咗好多配料例如洋蔥芫茜薯仔等等，加入咗少量嘅辣椒刺激味蕾，所以整個味道都好香口。套餐包括咗嘅蔬菜應有盡有用料亦非常新鮮兩個人夠食有突。套餐亦包咗幾款飽肚嘅食物例如響鈴芋頭同埋烏冬。啱曬男仔成飽用嚟填飽肚子。而呢幾款菜加上蕃茄湯底亦非常夾，非常美味。