點心到 (廟街)

Open Now

Now Closed

趁住M+博物館仲有得免費參觀，就帶兩老去西九文化區順便參觀下。藝術嘅嘢我哋真係識條__（請自行填上）。行曬所有展廳都已經好肚餓，要去食飯了。🥳於是我哋就由西九文化區步行到廟街搵食，需時半個鐘左右。咁啱又落大雨，於是我哋就搵咗呢度食點心啦。🤩呢度鋪仔細細，但裝修得幾骨子。坐低後自己寫點心紙落order，枱面已有壺茶水俾客人清洗碗筷。冇下午茶時間，茶位每個三蚊，唔駛加一，相對茶樓抵食好多。當然食物款式則較少。😅我哋點咗推介嘅籠仔海蝦蒸飯，賣相唔錯，份量剛好😋。另外都點咗黑金流沙包，可惜冇流沙🤔。黑松露菜苗餃冇乜黑松露味🤔，相信都係將貨就價。百物騰貴，二百零蚊可以填飽肚子都算係咁了🤭。